事前避孕藥......

想問下第一次食係唔係係一定要月經第一日食
如果唔係咁遲開始會唔會有咩分別

hello 你好啊。 :smiling_face_with_three_hearts: 唔一定需要喺經期嘅第一日服用,同時都要視乎唔同嘅牌子,因為唔同牌子嘅服用方法都會唔同。所以都可以諮詢醫生嘅意見。另外,因為避孕藥需要時間喺身體建立藥效,所以穩陣起言,要係啱啱開始食藥嘅頭7日使用另外嘅阻隔性嘅避孕措施,例如男性避孕套。持續服用避孕藥,藥效就會更加持續。

如果你係第一次食避孕藥,都係建議你搵醫生睇一睇你身體狀況就會更加穩陣,建議可以去家計會、私家診所、母嬰健康院向醫生拎避孕藥,果度都會有醫生幫你評估身體嘅狀況。初時服用口服避孕藥喺唔同女性身上,會出現唔同副作用,有機會頭痛、胃痛、噁心、乳房腫脹、體重同性慾發生變化、情緒低落等等。不過就算出現呢d症狀,身體都會慢慢習慣適應藥效,所以都唔需要太擔心~ :raised_hands: