帶套做愛性病

我想知帶左套
如果個套未帶到最底
之後對方(如有性病)坐上黎(女上男下) 坐到底, 會唔會因為有部jj 無比套cover 到而中性病?

個情況好似手指咁樣, 手指正常有3段 , 有手指甲果段係第1段, 最底就係第3段
如果我帶到淨係帶到手指第2段, 而對方坐上黎un , 佢坐到底佢下面應該會掂到我第3段手指(而呢個位無比套cover 到) , 咁會唔會中性病?

定係性病只係計龜頭接觸?

當高風險體液,例如精液、尿道球腺液、陰道分泌物、腸液同血液,直接接觸到性器官、比較脆弱嘅黏膜組織(例如口腔、肛門、陰道、尿道口),特別係當上面有開放性傷口(正在流血);或者性器官、黏膜組織或開放性傷口接觸到性病患者皮膚上嘅病變組織(例如疱疹或者性病疣患者皮膚會生嘢,當患處皮膚有破損/發炎流膿嘅時候會更加有風險)先會有比較大機會可以造成傳播。 :persevere:

因為龜頭嘅部份皮膚更加薄,而且有尿道口連接著體內同體外,而陰莖底部則有更加厚嘅皮膚去作為天然嘅屏障,所以相比之下因為陰莖底部接觸到體液而感染性病嘅風險係相對好低嘅。而睇返你嘅情況,感染風險係比較低嘅。 :blush:

但如果你擔心嘅,而你之前都冇進行過任何性病測試,其實不妨去進行性病測試。社會衛生科有免費嘅測試,不過要等性行為後3個月「空窗期」後先會有相對準確嘅結果。而一啲私家診所會提供「空窗期」較短,較快出化驗報告嘅測試,你可以根據需要去了解下。 :wink:

不過要提返你,因為唔同性病都有各自嘅「空窗期」同「潛伏期」,亦有好多性病係感染後係毫無病徵。即使測試結果真係陽性,都唔代表係因為今次嘅性接觸導致感染,因為就算有單一嘅性伴侶,都有可能感染性病嘅。
而家大部份性病都可以喺藥物治療下痊癒,只有HIV病毒同部份HPV病毒暫時係無法根治,但係可以喺藥物治療下受控,只要及早發現之後盡快治療,係唔會影響到日常生活嘅。所以都唔需要因為呢件事而太過擔心。

如果你發生過性行為,尤其係如果發生過冇使用安全套嘅插入式性行為,都建議你可以去進行測試,清楚咁了解下自己嘅身體情況。 :relaxed:

最後都想提返你,佩戴安全套嘅時候要將安全套戴落陰莖底部,如果好似你今次嘅情況,冇戴落底,其實安全套有機會喺性行為嘅過程中脫落。關於安全套嘅正確使用方式,可以參考:https://www.instagram.com/p/B4EX0FVFLUf/?utm_source=ig_web_copy_link