請問做做下甩左個套係我入面 需唔需要食事後丸?

因為射完軟返無拎出黎,
個套留左係我入面,
個dom 應該無穿,
但係唔知有無滲出黎/ 漏左出黎

咁嘅情況係唔係食事後丸好啲?

Hello~ 照你所講嘅情況,精液有機會喺安全套鬆脫時流入陰道,所以係有懷孕嘅機會嘅。如果宜家距離嗰次性行為未超過5日嘅話,建議向醫生拎取事後丸。事後丸主要分為兩種,一種嘅服食時限係性行為後嘅72小時內,而另一種係性行為後嘅120小時內,因為事後丸喺香港係法律規定必須經醫生處方嘅,而且亦都唔係每個人嘅體質都適合服用,所以如果決定服食嘅話建議盡快去家計會/母嬰健康院/私家診所向醫生拎取。有關事後丸嘅詳細資訊可以參閱以下網站: 緊急避孕 - 香港家庭計劃指導會

另外,因為陰莖射精後會逐漸變軟,所以為左防止安全套鬆脫,建議射精後立即按住安全套嘅底部抽出陰莖。