事後丸,食左無乜反應 會唔會有左?

我上個月係5月7號尼m 我平時用app 記錄月經 個app顯示出我25/6 係排卵日
我27/6同男朋友做左一次 有戴套 兼體外射精
但當男朋友抽出尼射嘅時候 發現個套穿左。。
不過佢無係入面射 只係都驚前列腺液?果d有精子
我都即刻去私家診所睇醫生
但個醫生好簡略問左幾個問題就叫我出返去 我又好怕醜唔敢問太多 個藥有咩用都唔知 食完會點都唔知 不過佢話我果日做係好危險 所以都比左兩粒Levonorgestrel 0.75MG事後丸我,要我食完一粒隔12個鐘再食多粒

我食藥嘅時候已經係發現穿左嘅兩個鐘內食
我及時食同埋無體內射精 係咪已經安全可以放心?
我真係好擔心
我食完係完全無感覺 無副作用。。會唔會係無吸收?
d人話食事後丸係想延遲排卵 但我食果陣好似已經排左卵 會唔會無用:sob:
上網睇話其中一個功效係增加黏液 等精子游唔到?
食完嘅第三日 我都特登試下用手指伸入去feel下 又好似真係唔同左 拎返手指出尼 有d結結地嘅白色黏液 係咪代表有用?
個app顯示我下次尼m係7月9號 上網睇d人話多數食完會5日後左右有血 但我今日第5日都係無血:sob::sob:會唔會已經有左。。
我正常嘅話應該大概幾時會尼m​:sob:
好想安心d 但又好驚

sorry太緊張 對上一個月尼m係6月7號:pray:t2:

hello 你好啊 :smiling_face_with_three_hearts:,都感覺到呢次意外帶俾你嘅困擾,就你嘅情況,就算射精嘅當下已經抽出陰道,因為唔清楚安全套喺咩時候已經穿咗,而陰莖喺性興奮嘅時侯會流出透明黏稠液體,即喺尿道球腺液 Cowper’s fluid/pre-cum,當中有機會含有少量精子。 雖然比直接喺陰道裡面射精的數量少好多,但喺仍然有機會導致懷孕。**但喺你地都有及時地採取補救措施,喺性交後72小時之內服用事後丸。事後丸嘅效用喺97%-99%,所以就算冇出現副作用都好,相信事後丸都已經喺身體發揮效用,所以呢點唔需要太擔心。**事後丸嘅原理喺透過高劑量的人造荷爾蒙抑制排卵或干擾受精/著床過程,令女性嘅分泌物增加、又或者令子宮內膜變厚,從而令精子唔容易著床。而呢一個過程,喺服用事後丸之後就會生效,唔建議插手指進入陰道嚟檢查。 :pleading_face:手指插入陰道有機會刮傷陰道內壁,有機會受傷~ 另外,因為服用事後丸其中一個副作用喺推遲下一次經期,所以就算下一次經期唔準時、今次週期比以往長都喺正常。安心等下一次經期出現就可以~

補充一點,計算安全期、排卵日並非一個可靠同有效嘅避孕方法,因為需要等到月經出現至能夠推算到排卵日子。就算以往經期喺準時,都唔代表下一次來經喺準時,經期受唔同內在同外在嘅因素影響,情緒波動、荷爾蒙變化、生病、服用藥物、生活作息有改變等等。所以唔建議計算安全期或排卵日作為避孕方法~

最後,都想了解下你同伴侶平時使用安全套嘅習慣喺點樣?安全套有機會因為喺因為尺寸唔啱、正反調轉、無擠出儲精囊內空氣、安全套唔夠潤滑、使用不當、儲放不當種種原因而引致安全套失效,射地機構之前都出過10個令安全套失效嘅原因同埋安全套正確使用方法 呢個post,你同伴侶都可以參考!