未嚟m同小腹痛會唔會有bb

我上個月頭 第一次嚟m開始食事前避孕藥,但食咗三日覺得好唔舒服,所以就停咗。嗰次啲m好少同好快嚟完。但係過咗兩個星期(5月30)又再嚟多次,嗰次嘅量非常多,嚟咗七日度。喺6月21號我同男朋友有發生性行為,插入去嗰陣有帶套射咗但套應該無穿嘅。不過之後,喺無帶套嘅情況下,陰莖喺我下體磨咗一兩下,我即刻推開咗佢,因為驚會有精子走咗入去。我到而家7月2號都未嚟m,胸部有啲腫脹同埋小腹好似有啲感覺,我唔知係我心理作用定點,好驚會中咗。

hello 你好啊 :smiling_face_with_three_hearts:,首先都想了解你初時服用嘅事前避孕藥喺屬於單一荷爾蒙、定喺混合荷爾蒙?女性喺初時服用事前避孕藥,感受到大大小小唔同副作用都喺正常,例如頭痛、頭暈、乳房漲痛、點狀出血 月經不規律、改變經血量、改變月經長短等等。初時服用避孕藥嘅時候,子宮內膜嘅增生會受到抑制,令子宮內膜變薄,所以月經量變少係好正常。有少數部分嘅人甚至經量少到幾乎沒有月經流量,都係屬於正常現象。所以,如你分享嘅情況,啱啱服用避孕藥之後,月經血量變少喺屬於正常嘅~ 喺短時間之內停藥,都有機會令月經增多。所以,都想提醒停止服用事前藥,都有機會令經期混亂、血量變得唔穩定,而身體喺服用事前避孕藥嘅初期都需要時間適應藥效,所以如果你覺得服用事前好辛苦,想了解身體情況,又或者了解會唔會有更適合自己嘅避孕方法,都建議你可以搵搵醫生做身體檢查,評估咗身體嘅狀況後,再決定喺咪有需要停藥。 :revolving_hearts: :revolving_hearts:

另外,無做用安全套嘅體外磨擦依然有一定程度上嘅懷孕風險 :pleading_face:,陰莖喺性興奮嘅時侯會流出透明黏稠液體,即喺尿道球腺液 Cowper’s fluid/pre-cum,當中有機會含有少量精子。 雖然比直接喺陰道裡面射精的數量少好多,但喺仍然小程度上嘅機會導致懷孕。而你提到嘅感受到胸部腫脹同小腹痛都喺有機會喺經期嚟之前嘅先兆,所以如果你真喺好擔心,都可以喺進行驗孕,距離上一次性行為6月21日,超過一星期,依家進行驗孕都可以獲取初步同準確嘅結果。都建議你可以跟足驗孕棒說明書嘅指示,完成整個程序~驗孕棒嘅原理,係透過檢測尿液中嘅HCG(人絨毛膜促性腺激素)含量嚟判斷有無懷孕,性行為7日驗孕可以獲取初步結果,11日之後驗孕可以獲取準確結果。如果你都仲喺好擔心,都可以去驗孕令自己心安少少~希望可以幫到你啦~ :muscle: :raised_hands:

好,唔該晒你:pray:t2:。 我今朝驗咗,係negative。 我係用clear blue 驗孕棒嘅,說明書話淨係可以浸住啲尿五秒,但我第一次浸嗰陣應該浸唔夠五秒,所以等咗2分鐘個control window 條藍線唔係好明顯,不過都睇到係negative 嘅。所以我再浸多三秒左右,條藍線即刻好明顯但見到個control window 張紙濕晒,所以唔知個結果可唔可靠🥲

Hello
你對上一次性行為係6月21號,11日之後驗完已經可以得到比較準確嘅結果,所以你今日嘅驗孕首先喺日期呢方面係可靠嘅。

而家市面上多數驗孕棒都有好高嘅靈敏度(sensitivity)同特異性(specificity),所以準確度都係好高嘅。所以就算control window嘅部份濕咗有掂到尿液,應該都唔會影響個結果嘅準確性嘅。不過有時你嘅使用方式係有機會影響驗孕棒嘅,正如你所講,浸嘅時間比較短可能條線就相對冇咁明顯嘅。而可能你浸咗第二次,呢一個操作並唔係驗孕棒本身應有嘅操作,所以都係有機會會影響結果。 :confounded:

所以,建議你聽日再進行一次驗孕,記得按照包裝/說明書嘅指示去使用。或者你都可以考慮使用電子驗孕棒,咁就唔會有結果線唔明顯呢個問題,個結果會更加準確。 :wink:

如果聽日嘅驗孕結果都係陰性,咁你就要嘗試相信個結果。試下放鬆下心情,月經會出現嘅。 :sparkling_heart:

好,唔該晒你:pray:t2::pray:t2:。 我今日嚟咗m喇:+1:t2: