原本應該係6月29號黎m，已經有曬D黎m症狀（乳房脹痛，腳痠軟無力）但係最後竟然係尿道炎⋯⋯我覺得係返發，之前都試過，今次比之前嚴重，試過小腹脹痛，去廁所頻密，好似屙唔晒咁，去廁所嗰陣都好痛，頭幾日有血尿嘅情況，之後就冇咗，一起身成個人都好熱，有一日仲背部右下超痛添，食左藥而家已經好返，背部嘅請況都有改善，同男朋友有性行為，6月7號有內射，係來經完左嘅第二日，我係手機app睇懷孕機率係低，原本以為29號會如常黎m，點知係尿道炎，我會唔會係有左？
尿道炎而家已經好返，只係仲有胸脹痛嘅感覺，同埋時不時有少少下腹痛嘅感覺，不過唔嚴重。我會唔會過多幾日會黎m？我29號前都有食凍野呀，雪糕嗰啲，同埋尿道炎嘅時候有食消炎藥，會唔會影響？推遲月經？
希望得到解答
唔該曬
係內射完之後（6月7號）我覺得自己有排卵，有排卵係咪唔會有BB？我排卵嘅症狀係：有啫喱狀好似鼻涕嘅白帶出現，同埋分泌物會比較多，6月15係排卵日
hello 你好啊 
，首先經期遲咗嚟，好多內在同外在因素影響之下嘅結果，情緒波動、荷爾蒙變化、生病、服用藥物、生活作息有改變等等都可以影響經期嚟嘅時間。加上你確診尿道炎之後，都有機會因為藥物影響、壓力影響、飲食習慣，影響經期日子。而你分享嘅症狀，包括 喺胸脹痛、下腹痛嘅感覺都有機會喺經期嚟之前嘅先兆，所以唔需要太擔心。 一般而言，經期比以往遲10日或以上，如果你真喺好擔心，都可以睇睇醫生了解身體情況～ 如果下次再進行性行為，見你分享尿道炎嘅病史，都提提你同伴侶喺性行為前後需要做好清潔、建議每次進行性行為都可以使用安全套、減低病菌進入尿道嘅機會、多d排尿可以沖走細菌等方法。避免懷孕嘅風險，同埋尿道炎復發嘅機會。
另外，排卵並唔代表懷孕。精子進入陰道後，精子著床，需要同卵子結合至形成胚胎，再發育成為嬰兒。**排卵期往往需要等到經期出現至能夠準確推算到排卵日子。**就算以往經期喺準時，都唔代表下一次來經喺準時。所以計算排卵期並非安全有效嘅避孕方法～ 要知道排卵嘅準確日子嘅話，係需要跟足說明書指示，每日使用排卵棒驗先會知道邊一日係排卵日。而分泌物多咗都有機會其他因素影響之下結果～ 希望可以幫到你啦～
1個讚
完m嘅第二日係咪所謂嘅安全期？有左嘅機率係咪都比較低？
正如Claire所講，排卵會受到好多唔同因素影響，而且排卵期要等月經出現之後先可以推算返個日期，所以除非每日喺醫生嘅指引下用排卵棒進行排卵測試，否則我地好難準確咁知道究竟幾時會排卵。而所謂嘅「安全期」即係避開「排卵期」，但係正正因為排卵期難以預計，所以呢個並唔係一個安全可靠嘅方法。月經嘅出現係因為卵子冇受精而出現，而通常係卵子死亡後大概14日左右就會出現月經，好多人會認為係月經呢段時間之內身體都未會再次排卵。但其實係長度較短嘅月經週期嘅人身上，月經嘅期間有機會身體已經排卵，所以唔一定完月經嘅第二日就「安全」。而且精子一旦進入陰道，最長可以生存1－5日（視乎精子嘅質素同埋當時陰道內嘅環境），一旦係精子進入體內後身體先排卵，其實都一樣有機會造成受精。所以無論喺月經週期嘅邊一日，即使係月經期間，只要發生咗冇用安全措施嘅性行為，陰道同陰莖有接觸，咁都會有一定嘅風險嘅。 
既然你擔心咗咁耐，與其估估下，不妨去進行一次驗孕。喺性行為嘅7日後驗孕可以得到初步結果，而11日後進行驗孕就會得到較為準確嘅結果。如果你喺6月7號之後冇再發生過性行為，你聽日去驗孕就會有準確可靠嘅結果，而如果你期間都有其他性行為，咁你就可以計返日子進行驗孕。 
可能你親眼見到個驗孕結果，排除咗懷孕，你都會放鬆啲。
正如Claire所講，其實有好多因素會影響月經嘅，尤其你之前因為尿道炎有食藥，一啲消炎藥或者有抗生素成份嘅藥都會影響月經週期嘅。再加上你病咗，身體嘅免疫系統嘅負擔加重咗，自然其他系統都會受到影響，而月經就係其中受到影響嘅一樣嘢啦；或者你試下諗下你尿道炎食藥嗰幾日係咪胃口都受到影響？其實身體嘅好多系統都係互相之間有聯繫嘅。
如果太過緊張都會影響月經㗎，試下放鬆下心情先，月經會出現嘅。 