安全套在轉換姿勢中脫離陰莖

昨天(7月3日)跟女朋友做愛,轉換了兩個姿勢後發現陰莖上的安全套整個不見了,之後發現整個遺留在女朋友的陰道裡。中途是激烈得想射出來的,但還是忍住了,整個過程因為發現安全套不見了而沒有完成射精的動作,但不知有否也咇了一點出來,擔心會否有意外。有幾點需要補充的:

  1. 女友於「安全期」內,在經後第六天(7月3日)做的
  2. 最後發現整個安全套不見時,確定沒有一點精流出,自己陰部一帶沒有黏液,周圍也沒有
  3. 雖然沒有一點精流出,女友陰道口也不似有精液(因為陰道口也有女友自己的分泌物,所以才說「不似」),但在安全套裝水測試是否有破裂時,發現內裡有像似「蛋花」的白色液體浮在水中(是咇了點精但自己不為意嗎?但自己也沒有射精的感覺,也沒有射了精的那種虛脫感)
  4. 事後回想安全套確實套至根部,但儲精囊的位置沒有好好擠出空氣。起始的抽插動作已經激動,或令之後有離套之嫌。轉換動作時也沒有好好捉住套環把陰莖抽出。加上一點自疑的是,可能中途咇了點出來,令陰莖稍稍放軟,以及那一點液體減低套與莖的緊密程度。

請問整個過程受孕的機會大嗎?

Hello
你所講嘅「似「蛋花」的白色液體」可能係少量精液,都可能係尿道球腺液。陰莖喺受到刺激嘅時候會分泌尿道球腺液,當中有機會含有少量精子。而如果你地性行為嘅過程中,陰莖有安全套嘅阻隔,而精液同埋尿道球腺液冇接觸到陰道,咁即使安全套有中途脫離咗陰莖,但安全套全程其實都有完整咁包覆住陰道令到陰道冇接觸到陰莖分泌物,風險都係相對低嘅。 :blush:

但如果你地擔心嘅話,都可以考慮需唔需要進行緊急避孕。喺性行為後嘅72或120小時內可以服用緊急避孕藥,或者佩戴子宮環進行緊急避孕,但必須首先由醫生檢查過女朋友嘅身體係咪適合使用。所以如果有需要嘅話,記得盡快去家計會診所/母嬰健康院/部分私家診所預約睇醫生進行緊急避孕。 :woman_health_worker:t2: :man_health_worker:t2:

而如果你地衡量完風險覺得唔需要進行緊急避孕,而你地又擔心嘅話,你地都可以考慮自行驗孕。喺發生性行為嘅7日後(7月10號)驗孕會得到初步結果,而11日後(7月14號)進行驗孕就會得到較為準確嘅結果。

同埋想同你解釋返,其實「安全期」並唔係一個有效可靠嘅方式,因為月經同排卵受好多唔同因素影響,而排卵期要等月經出現之後,即係新嘅月經週期開始之後先可以推算返上一個月經週期排卵期係幾時。所以我地好難好準確咁知道幾時係排卵期(即係坊間所講嘅「危險期」)同埋安全期。即時喺月經期間進行性行為,都未必可以完全冇懷孕風險,因為有啲較短嘅月經週期可能喺經期已經排咗卵。 :persevere:

見你都有回想返令到安全套脫落嘅原因,其實的確有唔少原因會令到安全套失效,可以參考:

下次發生性行為嘅時候可以避開呢啲令安全套失效嘅因素,正如你所講,要將安全套戴落陰莖底部、要擠走儲精囊內嘅空氣、按住安全套底部先抽出陰莖,同埋要有足夠嘅潤滑,咁就可以更加安心啦! :sparkling_heart:

謝謝你詳細和令人心安的回覆~~