安全套尺寸

請問怎樣選擇安全套既尺寸?甚麼001, 002,003 是甚麼意思?謝謝。

Hello~安全套嘅尺寸係指安全套嘅大小,就好似平日我哋買衫會有分尺碼一樣,需要透過量度會使用安全套嘅物件(陰莖、性玩具或者其他用品)嘅大小再決定要用咩尺寸嘅安全套。而安全套一般會以【 寬度 (Nominal Width)】或者【 直徑 (Diameter)】去顯示:

寬度 (Nominal Width) 【歐美/香港常用】

  • 安全套擠扁時橫向嘅長度
  • 數值上係圓周 (Circumference) 嘅一半
  • 量度陰莖充血時/物件根部嘅圓周,將圓周數值除二就會得到【寬度】嘅數字

直徑 (Diameter) 【日本牌子常用】

  • 安全套放平時圓形的直徑
  • 算術上 直徑 x 3.14 = 圓周
  • 量度陰莖充血時/物件根部嘅圓周,再除以3.14,就會得到【直徑】嘅數字

安全套嘅包裝盒上面通常都會寫有寬度或者直徑嘅數字,方便消費者去選擇。亦有一啲牌子唔會刻意係包裝上列出呢啲數值,有機會要上官網或者參考一啲性用品商店網站嘅資料。詳情可以參考:

不過,係購買安全套嘅時候要留意嘅並唔只尺寸,你所提及嘅0.01 0.02等等嘅數值都會直接影響戴上後嘅感覺。呢啲001, 002,003 嘅數字係代表住安全套嘅厚薄,因應安全套嘅製作物料唔一樣,能夠製造到嘅厚薄度都會唔一樣。市面上最常見嘅安全套物料分別有乳膠(Latex)、聚氨酯(PU)及聚異戊二烯(PI)。

乳膠因為物料上嘅限制,最多只能夠做到0.03嘅厚度,但呢款物料相對上彈性都會比較高,變相比較耐磨擦。
聚氨酯(PU),就可以做到比較薄,例如0.02 0.01嘅厚度。但缺點就係彈性會比乳膠低,係無足夠潤滑嘅情況下會比較容易導致破裂。
至於聚異戊二烯(PI),呢一款係現時比較新興嘅物料,傳熱度會比較高同快,比人一種親膚嘅感覺,但相對價錢都會比另外兩種貴啲。

前面提及過厚薄度都會影響大小,係因為例如 聚氨酯(PU) 造嘅安全套會比較薄,同一時間亦會比較貼身(會緊啲),所以兩個尺寸數字上完全一樣,但分別係 乳膠聚氨酯(PU) 造,使用起上來都會有唔一樣。但每個人身體感受都唔一樣,如果要嘗試新嘅牌子/款式嘅時候,都建議大家買比較少容量,例如係3片裝試一試感受先。正確安全套來講,唔鬆唔緊係最合適,但如果只有「鬆」同「緊」去選擇,咁就會寧願係比較貼身啲,減少安全套係過程中意外脫落嘅機會。

使用安全套嘅時候,其實仲有其他地方要留意,先可以避免到安全島意外暴力嘅機會,詳情可以參考

亦要全程正確使用,先可以將安全套嘅功效發揮到最大,有關正確步驟可以參考:

前面亦有提及到安全套係缺乏潤滑度嘅時候會增加破裂嘅機會,而因為唔係每個身體部位都會有分泌物去潤滑,身體亦唔係每一日都一定可以分泌到足夠嘅體液,所以都建議係使用安全套嘅同時要使用埋潤滑劑,可以參考一下我哋過往介紹潤滑劑嘅文章:

希望你會揀到合適嘅安全套,係安心嘅情況係做你想做嘅事啦~