你好
我由月經週期第一日開始食避孕藥，食到依加有11日，啲副作用越黎越勁，例如：夜晚會頭暈，腳有啲啲酸痛同埋有啲反胃。
想問下依加停藥好定食埋呢一包先比較好？
我比較擔心有血柱問題。
順帶一提，好耐之前去婦科檢查既時候醫生推薦我食呢隻避孕藥的(yaz)
hello 你好啊 
， 停止服用事前藥呢方面嘅問題，都建議直接問問醫生。因為服用事前避孕藥出現副作用都喺常見，包括你提到嘅頭痛、頭暈、胃痛，都有機會出現其他乳房漲痛、月經不規律、改變經血量或改變月經長短等等。而身體喺服用事前避孕藥嘅初期都需要時間適應藥效，平均嚟講需要1-3個月時間適應藥效。但因為每個人身體狀況不一，如果出現嚴重嘅副作用反應，都需要同醫生溝通，商量會唔會轉藥或停藥。同埋都想提提你，服用事前避孕藥之前，都可以問問醫生嘅意見，因為之前嘅身體狀況同當下嘅身體狀況都會有機會出現變化，你依家都出現咗副作用，所以都可以諮詢醫生比較穩妥。同埋持續去服用避孕藥，都需要每年都睇睇醫生覆診。因為身體情況都有機會因為時間轉變，而變得未必適用服用事前藥、或食開嘅牌子，都想提提呢一點～
至於見你提到血栓嘅問題，都想了解下你之前有冇血栓嘅病史？定喺擔心因為服用事前避孕藥，導致血栓問題出現？因為服用事前避孕藥有機會同患上血栓有關係，但當中都有好多因素影響，你都可以參考yaz 優悅嘅網站：YAZ®優悅 - 避孕藥常見問題 希望可以幫到你～ 