有露體習慣

本人可能係壓力大、抑或性需求大或睇野外露出相多,有露體習慣,間中會凌晨全裸跑出屋外(自己住嗰層),覺得好刺激,但事後會驚,有後悔。

有一次被住同一層嘅人發現,被人鬧,對方差啲報警,我說我一時貪玩,對方信,係我面前刪了片,說以後唔想再見到我。(但我又驚對方反悔,或在鄰居唱衰我,雖然我覺得對方係斯文人)

我好後悔,係我自己衰,冇得怪人,我應該點呢?有冇咩建議?同時我又覺得有少少釋懷,至少我唔敢再咁做。

hello 你好啊 :smiling_face_with_three_hearts:,首先好多謝你願意信任我地分享身體上嘅煩惱。都想提你,喺公眾地方裸露有機會觸犯法例,例如「破壞公眾體統罪」或「公眾地方行為不檢」,多數用於喺公眾地方偷拍,同埋喺公眾地方露體等等情況。再者,俾其他人影低自己裸露影像都會威脅到自己嘅私隱,所以都需要留意翻~

另外,見你分享因為壓力大或者性需求大,都有睇野外露出影像嘅習慣,都想了解你會唔會平時會唔會其他方法排解壓力大嘅問題?至於性需求大嘅問題,都可以使用自慰或性玩具嚟解決。最後都想提提你,影像同現實都兩回事,好多性影像(例如野外露影)都喺演員表演嘅一部份、或情節需要,並唔能夠代表現實都可以仿效。 :raised_hands: :raised_hands: :raised_hands:

1個讚

試過做運動減壓。

暫時對方冇做咩。

我預約咗性治療師,我覺得我性方面好有問題,想解決問題⋯

淨係睇字都覺得呢件事好困擾你,一方面知道呢件事唔啱,極力想控制呢個行為,但有時真係忍唔住,做完又會後悔同自責,於是你陷入咗一個循環,每當有壓力、性慾,就會露體。想知道你係自己住果層裸跑嘅時候,心裡面諗緊咩架?心情又係點嘅呢? :thinking:

欣賞你自己發現咗呢個情況唔可以繼續落去,所以選擇搵性治療師,你可以同佢傾下,話唔定會解開你一個一直以來嘅心結。 :smiling_face_with_three_hearts:

糖不甩嘅大家會陪你渡過呢段日子,如果有咩情況,我地都會一直係度架。 :relaxed:

1個讚

當時心裡面覺得好刺激、有啲過癮,覺得有啲釋放嘅感覺