避孕藥可唔可以同止痛藥一齊食

初初食避孕藥有啲唔舒服 :sneezing_face:有啲頭痛所以就食咗粒止痛藥 想請問下食完避孕藥之後再食止痛藥 會唔會影響個避孕功能
同埋食完止痛藥之後有想嘔 請問係咪正常

食完避孕藥大概七個鐘之後先食止痛藥:bowing_woman:t2::bowing_woman:t2:

你好 @Barbie :wave:t2: :wave:t2:

其實避孕藥都係含有人造嘅荷爾蒙,持續食嘅話都會出現一啲副作用嘅情況,不過唔洗擔心嘅,通常頭三個月都係適應期嘅,通常係1-2個月都會慢慢消失。除非你出現一啲暈低或者嘔血嘅情況,就要即刻停藥,去搵醫生檢查啦。 :pleading_face:

同埋因為你食兩隻藥中間隔咗七個鐘,所以基本上都唔會有咩問題嘅。有啲人啱啱開始食避孕藥嘅時候都會有出現頭暈、頭痛或者作嘔等等嘅情況,唔洗太擔心,證明身體適應緊藥物。但係如果你比較擔心嘅話,都可以帶埋你食緊嘅避孕藥去見開藥俾你嘅醫生,睇下佢會有咩建議。如果你係坊間藥房買嘅避孕藥,都可以拎返個藥盒去見家計會嘅醫生,等醫生幫你檢查下會唔會係唔啱食呢一種避孕藥,睇下洗唔係轉藥,不過你記住上去之前打電話預約呀。 :smiling_face_with_three_hearts: