差唔多12日冇嚟m..好擔心 好驚!求救

之前食左大半年避孕藥 4月頭開始自己停左食藥
停左之後都有嚟m
4月既時候26日就嚟左一次,俾正常早左2日
5月就33日一次,遲左5-6日
到到6月就冇嚟到⋯足足遲左差唔多兩個禮拜⋯直到宜家

6月頭-中都有sex 最後一次做係6月23號,最後一次同之前做都冇用到套…:persevere::persevere:7月3,4,7號都有驗左孕,結果都係冇顯示有咗 而且用咗用咗幾個牌子對比 包括電子版同埋普通嗰隻 都冇話有左…我未試過遲咁多日都未尼m…係咪都關避孕藥事?定係我可能有左但驗唔出?但我有跟足指示驗的,而且距離最後sex既日期多隔左差唔多14日以上

Hello @unique :relaxed::wave:t2: 因為一般受精卵著床需要6-9日,所以性行為7日後驗孕就可以得到初步驗孕結果,而性行為11日後進行驗孕結果就會較準確及可靠 。如果6月23號發生性行為後,7月4日(性行為後11日)、7月7日曾進行驗孕,都無顯示懷孕,咁都可以放心並無懷孕啦 :smiling_face_with_three_hearts:

只要有依足說明書指引驗孕,咁驗孕嘅結果都已經好準確及可靠,無需太擔心 :relaxed: 加上你都有使用到有電子顯示嘅驗孕棒,呢類驗孕棒係比較新型,準確度較高,而且一般能夠顯示埋懷孕嘅週數。所以如果真係懷孕的話,已經能夠顯示埋懷孕週數。

一般避孕藥停藥後,身體就會即時恢復生育能力,亦會有懷孕嘅風險。月經週期方面,一般避孕藥停藥後1至2個月內就會回復自然嘅排卵及月經週期 ,月經週期以及經血量會回復番未服用避孕藥之前嘅情況,停藥後初期月經週期亦會比較唔準確 :blush:

除左避孕藥停藥有機會有少少影響外,月經來遲都有機會受其他因素影響,例如最近生活作息唔定時、飲食唔均衡、壓力過大、情緒有起伏、最近生病有服藥(特別係抗生素)等。都可以睇下最近呢1-2個月身體有無經歷以上嘅情況,有機會影響到月經來遲啊 :wink:

最後都要提醒番你,停藥之後身體已經冇咗避孕功效,如果要發生性行為嘅話,就記得要使用返其他安全措施(例如安全套)先可以有避孕功效,同時使用安全套都可以有效減低性病傳播嘅風險啊。