係冇任何液體嘅情況底下食咗事前避孕藥會唔會影響效能
hello 你好啊 
，首先都想問問「冇任何液體嘅情況」嘅意思喺咩 
，喺指單靠口水服用？因如果喺服用嘅時候，需要用水嚟吞嚥嘅話，其實喺唔會影響效能。
除咗酒精之外，一般嘅飲品喺唔會影響藥物嘅功效。再者，酒精都唔會直接影響避孕藥嘅功效，而喺有機會嚟飲咗酒，所以令女性唔記得服用避孕藥；又或者因為酒精，身體出現其他反應，例如痾嘔嘅症狀，服用避孕藥之後未夠兩小時就痾嘔，令身體冇辦法完全吸收咗藥物，咁亦都會令避孕藥失效。咁就可能到時需要即時服用多一粒避孕藥，並儘快諮詢醫生嘅意見 
～ 希望可以幫到你啦～ 
係用口水
咁有冇事
理論上如果你有吞到粒藥，冇嘔出嚟，影響藥效嘅機會都相對細嘅，但都可能會有。所以並唔建議喺冇水或者好少水嘅情況下淨係用口水食藥甚至係藥丸型營養補充劑。一嚟咁樣會比較容易噎親，甚至會因為噎親嘔返粒藥出嚟；二嚟如果唔夠水，粒藥有機會會黏住喺喉嚨或者食道慢慢溶解，冇順利落到胃部進行消化吸收，有機會影響藥效，甚至會損傷食道。所以記得下次唔好啦！ 
如果你好擔心藥效受到影響嘅，你可以考慮喺食咗嗰粒藥嘅7日內，發生性行為嘅時候使用額外嘅安全措施。