簡介翻身體狀況先，首先我係27號黎2號完M. 咁係7月7號就同另一半發生左性行為 咁我有幫佢打嘅 之後就幫佢帶套啦，發生左一次插入式嘅性行為 有射精 而個套都係冇穿冇爛即刻dum左 但我擔心個位係當佢帶套嘅時候有冇我high到啲幫佢打飛機時啲精喺個套出面，從而令到自己有機會有左
hello 你好啊 
，首先喺插入性行為嘅時候全程都使用安全套，都已經好大程度上減少咗懷孕嘅可能性。都想問問嚟打飛機完咗之後，有冇用水或紙巾清潔雙手？定喺直接幫伴侶戴安全套？因為如果有清潔雙手，安全套表面意外觸碰到精液嘅數量相信好少。精液暴露咗喺空氣一段時間之後，好快就會死亡，因為精液暴露喺空氣嘅時候好快就會乾，而精液乾嘅時候，精子亦會死亡，同時無法再游入女方嘅陰道內。所以單單憑手上已經暴露喺空氣當中一般時間、相信比較少數量、又需要成功依附嚟安全套嘅外面嘅精液，意外懷孕嘅可能性都嚟相當之低嘅～ 
另外，如果你真喺好擔心嘅話，都可以嘗試驗孕。使用驗孕棒嘅話，喺進行性行為之後7日驗孕，會獲取初步嘅結果，11日之後驗孕嘅話，就會獲取比較準確嘅結果。按照你嘅情況，喺14日（7日後）已經可以開始驗孕，18日（11後）就可以獲取準確同可靠嘅結果。都建議你可以依足說明書嘅指示嘅完成步驟，當中嘅原理喺透過透過檢測尿液中嘅HCG(人絨毛膜促性腺激素)含量嚟判斷有無懷孕，因為只有受精卵成功著床嘅女性身體先會會開始分泌HCG，通常著床時間就會係6-9日，咁通常7日就會有初步嘅結果，11日嘅時候受精卵已經完全著床成功，體內嘅HCG分泌亦都足夠檢驗出有無懷孕架啦。
最後，都見你有記錄經期同進行性行為嘅日子，都喺良好習慣，但喺如果喺依靠計算安全期嚟避孕，都並非有效同可靠嘅方法，因為經期受好多因素影響，排卵期都需要等到經期嚟咗，至可以準確咁往前推算到～ 下次再幫伴侶打飛機之後，記得清潔好雙手再進行下一步～咁就令自己更安心～希望可以幫到你啦～ 
麻煩曬你先， 但我呢排發現有流啡嘅情況發生 啲啡係果凍狀 帶有異味，好擔心係著床性出血。
Hello
首先想同你解釋返，卵子受精著床需要6－9日嘅時間，如果你7月7號發生過性行為，咁你而家嘅帶血分泌物應該唔會係著床性出血。同埋著床性出血唔會持續幾日嘅，如果你講呢排都有流啡，都唔會係著床性出血嘅。正如Claire所解釋，你嗰次性行為嘅懷孕風險係比較低嘅，如果你依然擔心嘅，你可以耐性等到性行為11日後（7月18號）進行驗孕，會得到比較準確嘅結果。 
反而你要留意下有流啡同埋有異味分泌物呢個情況，都想了解返你所講嘅「異味」係講緊有血腥味定係其他異味，例如魚腥味？除咗有帶血分泌物仲有冇其他不適？經期間有帶血分泌物可能係排卵期出血或者經前流啡，但如果經期間出血情況持續，咁都建議去檢查下，睇下有冇一啲病理性嘅原因，例如子宮／卵巢／子宮頸問題。而分泌物有異味都可能係陰道感染或者子宮頸問題嘅症狀，所以建議你可以考慮盡快睇醫生做下檢查。 
