會唔會有事🙇🏻‍♀️

我幫男朋友打完飛機 去咗用沐浴露洗出好多泡泡但冇沖到水 再摸咗下面幾下 冇插到入去 咁樣會唔會有咗:bowing_woman:t2:

同埋我係啱啱嚟完m嘅第一日

你所講嘅情況係唔會導致懷孕嘅 :x:。精子離開身體以後需要依靠媒介提供養份先生存到,而媒介可以係精液或者尿道球腺液(陰莖喺受到刺激嘅時候,會分泌透明嘅尿道球腺液,當中有機會含有少量精子)。當精液或者尿道球腺液暴露喺空氣中一段時間後就會揮發,精子就會死亡。同埋你打完飛機之後抹乾凈手嘅過程都會令精子死亡。即時抹完手仲有殘留嘅精液,你有沖涼,水會冲走啲精子,沐浴露亦會令精子死亡。所以當你沖涼期間接觸陰部嘅時候,你嘅手上面已經唔會有精子,所以唔會造成懷孕。 :blush:

反而想提醒你,陰道同陰道口都有偏酸性嘅環境,但多數沐浴露都係偏鹼性嘅,所以清潔陰部嘅時候建議用清水,或者如果有需要,可以選用一啲酸鹼度比較適宜嘅清潔產品,以免破壞陰道健康嘅酸鹼平衡。 :relaxed:

同埋見你有提及自己啱啱月經完,可能你有聽過所謂嘅「安全期」,通過避開「排卵期」去避免懷孕。但由於排卵同月經都受緊好多唔同因素影響,加上排卵期係要等月經出現之後先可以推算出,所以「安全期」並唔可以作為一個安全可靠嘅方法。有啲人嘅月經週期比較短,可能月經期間已經會排卵,所以無論喺月經週期嘅邊一日,只要陰莖或者陰莖分泌物同陰道有接觸,都會有一定嘅風險嘅 :confounded:。但係你嘅情況係唔會有懷孕風險嘅,可以唔使擔心。

好多謝你幫我解答 我真係放心哂:bowing_woman:t2::bowing_woman:t2: