性交後陰道出血

頭先搞完男朋友用手拍幫我撩翻啲精出嚟(有食避孕藥),之後佢拎翻出嚟既時候手指上面有少少血,我勁驚,會唔會有啲咩事架🥲🥲🥲🥲🥲🥲

Hello
睇返你嘅情況,出血可能係性行為過程導致陰道輕微受損,或者因為手指指甲刮損。 :confounded:

如果因為性行為過程中潤滑不足,摩擦導致陰道損傷,你地可以考慮使用潤滑劑。建議使用水性/矽性/水矽混合性嘅潤滑劑,唔建議使用油性潤滑劑,以免影響陰部嘅酸鹼平衡。你地可以參考呢兩個posts嘅介紹嘗試下適合你地需要嘅潤滑劑。 :wink:

同埋都建議平日注意修剪指甲,咁就可以避免性行為中被指甲刮到,同時定期修剪指甲都係個人衛生嘅一部分。 :blush:

因為你而家陰道有輕微受損,所以更加要做好日常清潔同護理,避免受到細菌感染。例如每日做好清潔,用清水混和溫柔地清洗陰部,但唔好灌洗陰道;抹乾陰部先著底褲,穿著棉質乾淨嘅底褲同埋鬆身嘅下身衣物;補充足夠嘅水份。

明白你而家食緊避孕藥,不過你地都可以考慮之後發生性行為嘅時候使用埋安全套,可以預防性病傳播或者其他可以經由性行為造成嘅感染,例如尿道炎、念珠菌感染、陰道細菌感染等等。