食多左粒避孕藥

今日檢查排藥數量,發現之前好似有一日食多左一粒避孕藥,請問當無事照繼續食完呢排佢,照停藥7日再開新一包,係正確嗎?會否影響效果?

因為一個月應該食21天(yasmin),但依家咁樣就淨係食到20天,我需唔需要另外買一盒補返第21日嗰一粒,先再停藥7日?定係照食曬一盒再停7日就ok?

Hello
你可以食完呢排之後(服藥20日),照停藥7日後再開新嘅一包藥。如果你已經服用咗避孕藥一段時間,而且冇漏服嘅情況出現嘅話,原則上效果係唔受影響嘅,不過始終你嘅服藥週期因為其中一日食多咗一粒藥而由28日變做27日,可能會影響經期嘅。如果你已經服藥幾個月,今次食藥嘅情況唔會特別有影響;但如果你係初初服藥,建議你食下一包藥嘅頭7日發生性行為嘅時候用額外嘅安全措施,但身體建立返穩定嘅藥效。 :blush:

見你有出現食藥亂咗嘅情況,建議你可以設定鬧鐘,提醒自己每日同一時間服藥;或者你都可以用一啲專門提醒服用避孕藥嘅app,可以記錄服藥狀況同埋提你每日服藥。同埋Yasmin嘅包裝上面都有日期,你可以根據自己開始服藥嘅第一日,選擇啱嘅日期,例如你星期一食第一粒,咁你就揀寫住「一 Mon」嘅嗰一格,然後順著每日食一粒,咁都可以幫助你檢查清楚自己嘅服藥情況。 :wink: