Yasmin月經

我第一次食避孕藥,喺月經第1日開始食,依家食到第12日左右,但我嘅月經仲未停,日日都仲有血,呢個係唔係初食避孕藥嘅正常副作用?

Hello
首先想了解返,你食避孕藥之前有冇睇過醫生先?雖然避孕藥好容易買到,但市面上有好多唔同嘅避孕藥,每款藥嘅人造荷爾蒙成份同劑量都唔同。同埋唔係每個人嘅身體狀況都適合食避孕藥,例如有心臟/肝/腎/免疫功能問題嘅人,就未必可以服用避孕藥。所以建議第一次食之前,要睇醫生,等醫生檢查下你嘅身體係咪適合同埋適合邊一款避孕藥。如果你之前未睇醫生,咁就要盡快去睇返醫生啦。家計會診所/母嬰健康院/部分私家診所都有呢個服務嘅。 :woman_health_worker:t2: :man_health_worker:t2:

服用避孕藥之後持續流啡,或者出現點狀出血,係其中一個副作用。身體需要一段時間去適應避孕藥中嘅人造荷爾蒙,所以適應期間可能會出現一啲副作用。每人身體情況唔同,所以適應時間嘅長短都因人而異,通常會係1-3個月,但亦都有人需要長啲時間適應嘅。同時都有啲人要嘗試幾款藥先搵到最適合自己嘅避孕藥。 :relaxed:

建議你如果未睇醫生就食藥,就盡快去諮詢返醫生意見先,記得同醫生講清楚你食緊邊一隻避孕藥,同埋出現咗咩副作用;而如果你係睇完醫生先食,你可以俾多啲時間身體去適應呢隻藥,或者如果你覺得副作用情況都比較嚴重,你都可以去問返你睇嘅醫生,睇下需唔需要轉藥。同埋都要睇返你以往月經嘅流血日數,如果你平時經期都相對比較長,咁今次12日嘅經期可能係副作用導致,但係如果你平時經期比較短(3-4日),咁可能呢次月經情況都值得問下醫生意見。而都想了解返你嘅經期流血量,如果只係少量出血或者流啡,咁都可以唔需要太過擔心,但如果呢12日期間流血量都比較多,咁都係建議盡快睇返醫生呀。 :grimacing: