需要緊急避?

上一次月經係6月26,一般都好準28-30日為一個周期,7月10同男朋友第一次做有套,之息佢用紙巾清潔左,休息左陣再做第二次佢一開頭冇用套。

完左先醒起係排卵期,有d擔心,應唔應該緊急避孕

你地7月10號嘅第二次性行為,因為陰道同陰莖有接觸,所以係有一定嘅懷孕風險嘅。陰莖喺受到刺激嘅時候會分泌透明嘅尿道球腺液,當中有機會含有少量精子。所以即使你地第二次性行為冇體內射精,但係陰道都可能已經接觸到尿道球腺液,會有懷孕風險。 :persevere:

如果你地想進行緊急避孕,你地要喺性行為後72小時或者120小時內,盡快去睇醫生拎緊急避孕藥;而如果醫生檢查完你嘅身體狀況,認為你唔適合食事後藥,你都可以用子宮環作為緊急避孕方法嘅。你可以去家計會診所/母嬰健康院/部分私家診所得到呢啲服務嘅。 :woman_health_worker:t2: :man_health_worker:t2:

而如果你地衡量完風險之後決定唔進行緊急避孕,而你地都擔心嘅,可以考慮自行驗孕。喺性行為7日後(7月17號)驗孕會有初步結果,而11日後(7月21號)驗孕就會得到較為準確嘅結果。 :blush:

同埋都想同你解釋返,月經同埋排卵係好容易受到其他因素影響嘅,例如荷爾蒙分泌、飲食習慣、休息、壓力、藥物等等。雖然你之前嘅月經週期都相對穩定,但係如果你今個月經週期身體狀況有改變,可能排卵日期同月經週期都會受到影響㗎。或者你試下回想下,你以往嘅月經週期會唔會都有唔係28-30日嘅情況?而排卵日其實要等月經出現咗之後,先可以推算返邊日排左卵。所以,除非每日都喺醫生嘅指導下用排卵試紙測試著有冇排卵,否則我地好難知道究竟邊日排卵,一啲app嘅紀錄估計或者日曆推算到唔能夠好準確咁預計到排卵期。而正正因為排卵同月經好容易受到影響,無論喺月經週期嘅邊一日,只要陰莖同陰道有直接接觸,咁都會有一定嘅風險嘅。 :confounded:

最後想提返你地,下次再發生性行為嘅時候,要全程正確使用安全套,咁就可以更加安心啦! :wink:

過往半年都係28-30日週期