事後丸功效

尋日有一次無套性行為 check翻原來係排卵期有今朝去咗家教會食咗事後丸 係廿四個鐘耐 但都係擔心:pleading_face:

如果喺食藥前排咗卵 粒藥係咪就會無功效? 因為問咗嗰邊醫生係咁講… 但睇過事後丸其實係咪有阻礙受精/著床環境嘅作用? 一般受精/著床需時要幾耐? 坊間好多唔同講法 想求個安心:sob:

唔該晒:bowing_woman:t2::bowing_woman:t2::bowing_woman:t2:

家計會食嘅事後丸唔係新一代嗰隻🥲會唔會就係只有抑制排卵嘅功效?

補充翻少少:sob:我食嗰隻係levonorgestrel 見啲人話食ulipristal acetate就算近排卵期防護性都會高啲 但好似話其實事後丸係無干預受精同著床嘅功效…? 好擔心食之前已經排咗卵會無效:pleading_face:thx thx

你服用嘅levonorgestrel係單一荷爾蒙(黃體酮)型(synthetic progestogen)嘅緊急避孕藥,喺唔安全性行為後72小時內服用有效,有97-98%嘅避孕成功率;而你所講嘅ulipristal acetate係黃體激素受體劑(selective progesterone receptor modulator),係新一代嘅緊急避孕藥,喺唔安全性行為後120小時內服用有效,有98-99%嘅避孕成功率。兩者嘅藥物成份唔同,但功效一樣,都係會抑制排卵、干擾受精過程、改變子宮內膜環境從而令受精卵唔能夠著床,所以無論服用緊急避孕藥之前身體有冇排卵/卵子有冇受精,只要喺緊急避孕藥有效時間之內服用,而且冇喺短時間内嘔吐/腹瀉,咁避孕成功率都會係好高嘅。 :blush:(參考資料:緊急避孕藥- 緊急避孕 - 香港家庭計劃指導會 ,levonorgestrel- Levonorgestrel: MedlinePlus Drug Information ,ulipristal acetate- Ulipristal Oral: Uses, Side Effects, Interactions, Pictures, Warnings & Dosing - WebMD )唔清楚當時你同醫生嘅詢問係點樣嘅,可能當中有啲誤會,但係以藥理嚟講,就算你服藥前已經排咗卵,都依然會有藥效嘅。 :relaxed:

而你喺性行為後24小時之內已經去家計會見醫生服用左事後藥,所以係唔需要太過擔心嘅。卵子受精著床通常需要6-9日嘅時間,所以如果你真係好擔心,你都可以自行驗孕,喺性行為嘅7日後(7月18號)驗孕,會得到初步結果,而11日後(7月22號)進行驗孕,就會得到較為準確嘅結果。或者如果家計會有同你預約覆診時間進行驗孕,你都可以照返預約時間去返家計會驗孕。 :wink:

另外見你有提及排卵期呢樣嘢,都想同你解釋返,月經同埋排卵係好容易受到其他因素影響嘅,例如荷爾蒙分泌、飲食習慣、休息、壓力、藥物等等。如果你今個月經週期身體狀況有改變,可能排卵日期同月經週期都會受到影響㗎。而排卵日其實要等月經出現咗之後,先可以推算返邊日排左卵。所以,除非每日都喺醫生嘅指導下用排卵試紙測試著有冇排卵,否則我地好難知道究竟邊日排卵,一啲app嘅紀錄估計或者日曆推算都唔能夠好準確咁預計到排卵期。而正正因為排卵同月經好容易受到影響,無論喺月經週期嘅邊一日,只要陰莖同陰道有直接接觸,咁都會有一定嘅風險嘅。 :persevere:

同埋都想你有定心理準備,因為你今個月經週期服用咗緊急避孕藥,之後嘅1-2個月經週期都可能會受到影響,而月經嘅流血量、流血日子、經痛程度等等呢啲因素都可能會受到影響而同平時唔同。所以如果你嚟緊發現月經相比起平時嘅平均日期遲咗,唔需要太過緊張嘅。 :grimacing:

最後都想提返你,下次再發生性行為嘅時候,記得全程正確使用安全套,關於安全套嘅使用方法,可以參考:https://www.instagram.com/p/B4EX0FVFLUf/?utm_source=ig_web_copy_link

或者你都可以考慮使用荷爾蒙避孕法:避孕針或者避孕藥。避孕針要等醫生評估完你嘅身體狀況適合使用之後注射;而避孕藥雖然好容易買到,但建議第一次食之前要睇下醫生,睇下自己嘅身體狀況係咪適合同埋適合邊款避孕藥。如果有需要,可以去家計會診所/母嬰健康院/部分私家診所預約睇醫生。不過荷爾蒙避孕法只可以避孕,唔可以好似安全套咁,減低性病或者其他感染(例如尿道炎、念珠菌感染等等)嘅風險。

你可以選擇適合自己嘅安全措施,咁就可以更加安心啦。 :sparkling_heart:

唔該晒:pleading_face::pray:t2:

因為上網見到好多其他醫療報告都話近LH surge嘅話單一荷爾蒙就已經無用 亦都唔會影響到子宮內膜嗰啲 所以家計會個醫生就話排咗卵/ 受咗精嘅話粒藥就無用:sob:想問如果想了解清楚可以有啲咩途徑?

hello 你好啊 :smiling_face_with_three_hearts:,因為正如@ ching 所講,都唔清楚你同醫生之間討論嘅對話喺點樣,所以都建議你如果有任何疑問可以直接打去配藥嘅地方、家計會問翻醫生,咁樣就更加直接可靠~ :muscle: :laughing: