你好呀
今日同男朋友發生性關係全程都有帶好安全套，到佢射咗後抆出嚟嗰刻都有㩒住先抆。但當抆到一半時發現有小量精液流出，而我當刻摸過自己下面加聞過都唔似係精液嘅味道同液體。我period cycle around 28-30日，都幾準。想問係呢個情況下 理論上過咗危險期都唔需要擔心？
補充翻上次係21/6 period day one
Sorry講得唔太清楚。我上面指嘅精液流出係指當抆到一半時，發現有小量精液喺個環出面，姐係喺個套嘅根部流出，男朋友話個套嘅上半部分係無精液流出，個套無穿，只係抆出嚟時㩒住個下bit咗啲精液出嚟。
Hello
首先都想了解返多少少資訊先。你所講嘅「小量精液流出」係指你見到安全套破損，定係純粹見到安全套上面有白色嘅液體？ 
因為如果安全套冇穿冇漏，喺性行為過程中陰莖同陰道都全程有安全套嘅阻隔，射精後安全套冇脫離咗陰莖，有「㩒住先抆」，咁懷孕風險都係好低嘅。同埋如果配戴安全套嘅時候有擠走儲精囊內嘅空氣嘅話，咁原則上唔會喺除套期間有精液流喺安全套底部。不過都想問返男朋友除套嘅時候係以咩姿勢？如果係瞓係到，都有可能因為地心吸力而有少少流出嚟，但如果唔係嘅話都應該比較細機會會係精液流出。你見到嘅白色液體可能係安全套上嘅潤滑劑／陰道分泌物喺性行為過程中因為磨擦所以變咗做白色（就好似拂蛋白咁）。唔需要太擔心。 
如果你真係好擔心嘅，你都可以考慮需唔需要進行緊急避孕令到自己安心啲。如果你想進行緊急避孕，就要喺性行為後72小時或120小時內睇醫生拎緊急避孕藥。家計會診所／母嬰健康院／部分私家診所都有呢個服務。 
如果你了解完風險覺得唔需要進行緊急避孕，而你又擔心嘅，你都可以考慮進行驗孕。喺發生性行為嘅7日後（7月19號）驗孕，會得到初步結果，而11日後（7月23號）進行驗孕，就會得到較為準確嘅結果。 
而關於排卵期／「危險期」呢樣嘢，都想同你解釋返，月經同埋排卵係好容易受到其他因素影響嘅，例如荷爾蒙分泌、飲食習慣、休息、壓力、藥物等等。即使你平時嘅月經週期都相對比較穩定嘅係28－30日，但如果你今個月經週期身體狀況有改變，例如瞓得比較少或者情緒比較緊張，可能排卵日期同月經週期都會受到影響㗎。而排卵日其實要等月經出現咗之後，先可以推算返邊日排左卵。所以，除非每日都喺醫生嘅指導下用排卵試紙測試著有冇排卵，否則我地好難知道究竟邊日排卵，一啲app嘅紀錄估計或者日曆推算都唔能夠好準確咁預計到排卵期。而正正因為排卵同月經好容易受到影響，無論喺月經週期嘅邊一日，只要陰莖／陰莖嘅分泌物同陰道有直接接觸，咁都會有一定嘅風險嘅，所謂嘅「安全期」／「避開危險期」嘅方法並唔係安全可靠嘅避孕措施。 
因為當時係以女上姿勢做，所以佢除套時係瞓喺到除的。同埋我地都有個幾月無做過，所以佢今次射嘅量比較多。佢射完後都無繼續抽插，而我地係全程都有帶好套，安全套無破裂，抆出嚟時個套都無同陰莖分離。所以我諗應該係量太多加上地心引力嘅緣故，令佢除嗰時因為㩒實嗰下嘅力而bit咗啲精液出嚟。因事後我都立即摸自己下面，發現都無精液嘅液體/味道。
hello 你好啊 
，正如同@ ching 所講，如果檢查過安全套喺冇破損嘅話，其實都可以排除咗意外懷孕嘅風險。如果下次用女上嘅姿勢做，射精之後可以用紙巾按實安全套嘅根部再脫離陰莖，咁樣就可以減低精液意外流出嘅機會～ 希望可以幫到你啦～