可以解答一下我既擔心?

今日男朋友無着褲同底褲用下面頂我下面
但我係有着底褲同埋長褲
但之後我摸到條長褲有啲濕
會唔會有bb?

另外如果男朋友有着褲同底褲
而我淨係着底褲
佢再頂我下面
會唔會都有機會有Bb?

再check返今日係排卵期嗰幾日
我好擔心:pleading_face:怕會有左

你所講嘅情況係唔會導致懷孕嘅。 :x:
懷孕係因為卵子同精子相遇、受精、著床,而你所講嘅性接觸,因為性器官之間冇直接接觸過,所以精子同卵子係唔會接觸到,變相亦唔能夠導致懷孕嘅。

如果你發現自己嘅底褲或者褲有啲濕,係因為陰道或者巴氏腺喺受到刺激嘅情況下有更加多分泌物而導致。而如果你有見到男朋友嘅底褲/褲都有濕,咁係因為陰莖喺受到刺激嘅時候,會分泌透明嘅尿道球腺液,而尿道球腺液當中係有機會含有少量精子嘅。但係如果陰道口同精液/尿道球腺液冇直接接觸,就唔會有精子可以有陰道進入子宮内導致。同埋有衣物阻隔嘅情況下,精液/尿道球腺液當中嘅精子係唔能夠生存或者移動嘅,更加唔會經由衣物進入你體內。所以你所講嘅呢幾種性接觸都唔會導致懷孕。 :blush:

見你有提到「排卵期」呢樣嘢,都想同你解釋返,排卵日其實要等月經出現咗之後,先可以推算返邊日排左卵。而月經同埋排卵係好容易受到其他因素影響嘅,例如荷爾蒙分泌、飲食習慣、休息、壓力、藥物等等。所以,除非每日都喺醫生嘅指導下用排卵試紙測試著有冇排卵,否則我地好難知道究竟邊日排卵。app會用28日作一個周期或者以你過往幾個月月經周期嘅日子計算平均值再去推算下一個月大概會嚟月經嘅日子同埋排卵期等等,但因為好似前面所講有太多因素可以影響到月經周期每一個月嘅情況同上一個月都未必會完全一樣。所以單憑紀錄估計或者日曆推算係唔能夠好準確咁預計到排卵期嘅。 :relaxed: