幾時先黎?🥲

自己本身好穩定咁有食開事前避孕藥叫美意避,
之後幾日有次同男朋友sex果陣因為condom用完 佢趕唔切係射之前出返黎就內射左…
之前係內射後3個鐘左右就食左一隻事後丸叫安立婷
之後一路都冇唔舒服 亦有繼續食事前 直至三日前食完
理應今日黎m 但仲未黎 好驚好驚🥲🥲🥲

勁急 有冇人黎解答我等我冇咁驚 :pensive:

hello 你好啊 :smiling_face_with_three_hearts:,首先都想問問你服用咗事前避孕藥幾耐左右?如果你維持咗服用事前避孕藥一段時間、跟足指示服用藥物嘅話,相信身體都適應咗藥效,都需要太擔心~ 事前避孕藥嘅原理,喺透過抑制排卵增加子宮頸分泌物黏稠度,阻止精子通過。同埋阻止受精改變子宮內膜環境,令到受精卵比較難著床。如果你長期同埋穩定咁服用事前避孕藥嘅話,係可以令體內維持一定嘅「雌激素 (estrogen)」同埋「黃體素 (progestin)」濃度嘅,咁樣就可以精子難以前進同卵子結合,降低受孕嘅機會。另外,你都喺進行唔安全嘅性行為後72小時、120小時內服用嘅事後嘅避孕藥,相信意外懷孕嘅機會都好微嘅

至於你提到未嚟經期,呢個會喺服用事後避孕丸嘅其中一個副作用。而冇出現其他副作用,例如頭痛、噁心、頭暈、疲倦等等,都唔代表事後避孕藥冇發揮作用。呢點都唔需要太擔心~再者,經期受好多內在同外在嘅因素影響,例如服用嘅藥物(例如抗生素)、情緒因素、壓力因素、生活習慣嘅改變等等~所以就算以往嘅經期喺準時,都唔代表下一次嘅經期喺準時。同時,經期嚟嘅日子都會未必穩定~ 但依照你嘅情況,如若長期穩定咁服用事後避孕藥、又喺性行為後3小就服用咗緊急避孕丸,咁意外懷孕嘅機會其實好微~ :wink:

最後,如果你真喺好擔心,都可以嘗試驗孕。喺性行為後7日驗孕,可以獲取初步結果,11日後驗孕,可以獲取可靠準確嘅結果。當中嘅原理,檢測尿液中嘅hCG(人絨毛膜促性腺激素)含量嚟判斷有無懷孕嘅。建議跟示說明書內嘅指示嚟完成步驟 :raised_hands:~希望可以幫到你啦~ :smiling_face_with_three_hearts: