隔左7日又黎m

本身7月2號已經黎第一日.7月6號已經黎完
雖後星期四同另一伴有性行為咁有用套既
但好似有穿咁我有d擔心.然後去第二日星期五就去藥房買左事後丸,食完幾日後都冇咩特別事
直到前日7月12晚.再同另一伴有性行為.佢射完.然後我有自慰過.第二日13號一起身去洗手間:wc:時候發然有血.但又吾會好似黎m咁多.但又會維持成日都有血流
:bowing_woman:t2::bowing_woman:t2::bowing_woman:t2::bowing_woman:t2::bowing_woman:t2:

補充返:bowing_woman:t2::bowing_woman:t2::bowing_woman:t2:7月4號打過復必泰

你好呀:wave:t2:

喺香港,緊急避孕藥係處方藥物,必須要由醫生處方先可以得到。所以要去家計會診所/母嬰健康院/部分私家診所或急症室睇過醫生,確認你嘅身體狀況適合先可以食。通常如果去家計會,醫生仲會提醒你食藥後直到月經出現都唔建議再發生唔安全嘅性行為。而坊間藥房出售嘅「事後藥」因為怕被放蛇,有機會會賣無包裝盒、唔係真係避孕藥嘅藥、甚至係成分不明或者已過期嘅藥物,所以係藥房買事後藥食係唔安全嘅做法:pleading_face:

而服食事後丸之後有機會出現唔同程度嘅副作用,例如不規則嘅陰道出血同埋影響下一次月經嘅日子同血量。所以7月13日嘅出血有機會係因為事後丸嘅副作用,亦有機會係因為前一日性行為比較激烈而導致陰道受傷,引致出血。如果現時出血嘅情況已經停止,咁都唔使太擔心。

反而都想知道7月12日果一次性行為有無使用安全套架?如果無嘅話都係會有懷孕嘅風險,但因為你7月9日已經食過事後丸,而事後藥係含有高劑量荷爾蒙嘅藥物,並唔適合係同一個月經週期之內服食超過一次,所以現時身體係適合再食事後藥去緊急避孕。係會影響到身體月經週期嘅,唔可以當做一個恆常嘅避孕措施架。

如果7月12日當日你哋發生嘅性行為都係無用任何安全措施的話,你依家嘅情況需要儘快去家計會約見醫生,帶埋你之前食咗嘅避孕藥(連埋盒),睇下醫生會有咩建議俾你,例如有冇需要用子宮環作緊急避孕,亦可以順便檢查之前嘅避孕藥對身體嘅影響。

26歲或以下可以去家計會嘅青少年保健中心,不過就必須打電話或係網上預約咗先。如果26歲以上就無需事先預約。喺辦公時間直接上去佢哋有提供婦女節育指導服務嘅診所就可以啦~

呢個係家計會青少年保健中心嘅網址,入邊有寫明收費、地址、開放時間同埋預約方法。
一般如果係緊急避孕服務的話(例如處方事後丸),原則上係唔需要預約嘅。不過因為家計會嘅診所經常都爆滿,我哋都會建議你打去想去嗰間診所,講咗你哋嘅情況,睇吓今日仲有冇位先。以免上到診所真係冇位,就要趕去另一間。