有關於性服務

小弟一路都冇性行為經驗,打算搵性服務提供者去進行,打算只做handjob,同俾吸啜乳頭,想問呢兩個動作風險高嘛?會感染性病?對方會提供酒店,如果只做上面兩項,我有冇方法減低感染風險?謝謝解答

你好呀 :wave:t2:

通常當有高風險體液,例如精液、尿道球腺液、陰道分泌物、腸液同血液,直接接觸到性器官、比較脆弱嘅黏膜組織(例如口腔、肛門、陰道、尿道口),特別係當上面有開放性傷口(正在流血)先會有比較大機會可以造成性病傳播。

如果淨係得手交同埋吸啜乳頭,感染性病嘅風險係相對比較低啲嘅。

不過建議你可以喺手交嘅時候一樣可以使用安全套覆蓋陰莖,保護自己(有部份性工作者亦會自備手套係手交嘅時候用,去減低身體之間嘅接觸,你都可以向將會預約嘅性作者查詢佢有冇相關嘅用品);雖然吸啜乳頭感染嘅風險非常之低,但如果擔心嘅都可以使用口交膜覆蓋乳頭嘅。

有關口交膜嘅資訊,你可以參考我地嘅post:

https://m.facebook.com/stickyricelove/posts/2556581354455026?locale2=zh_CN

謝謝你回覆,我想問多少少細節,姐係手交或者吸啜乳頭呢兩個動作都唔會好大機會感染到性病?好擔心會有愛滋病毒從中傳播,如果對方手部同我性器官都無明顯流血就okay了?定對方手上可能都沾染到如對方的体液?

另外吸啜乳頭方面,如果對方口腔唾液沾染到我乳頭,都有機會有事嘛? 仲有如果兩人共浴既感染機會就高好多?

如果對方提供酒店,我從環境不潔感染性病機會高嘛?

謝謝解答!

hello 你好啊 :smiling_face_with_three_hearts:首先感染到性傳染疾病嘅前提喺,確認咗對方喺性傳染疾病嘅帶菌者,性服務提供者未必都必定喺性傳染疾病嘅患者。你有呢啲擔心可能係因為受到社會文化中對於性工作者嘅歧視同污名化影響,將性工作者同「性病」/「污糟」呢啲負面標籤連結 :pleading_face:

而回應翻你嘅問題,正如同@ kaleo 所講,需要透過高風險嘅體液,接觸到黏膜組織、或者破損傷口(例如流血),先會有比較大機會可以造成性病傳播。所以如果你同性工作者本身,喺性器官或身體其他部位(例如雙手)喺冇傷口,雙方又唔喺性傳染疾病嘅帶菌者,其實感染嘅機會都好微嘅,唔需要擔心 :wink:~ 至於兩人共浴都喺差不多嘅原理,以愛滋病毒為例,除非感染者在浴池中大量出血,而周圍共浴者又有開放性創口,否則不會由共浴而導致感染。 希望可以幫到你~

謝謝你回覆,意思風險其實好低?咁有冇其他措施可以進一步減低相關風險呢?酒店環境中又有冇咩我要留意的?

正如 @Kaleo_StickyRiceLove 所講,就手交以及吸啜乳頭方面,可以考慮使用安全套覆蓋陰莖,以及口交膜覆蓋乳頭,減低直接接觸嘅機會 :relaxed:

另外,如果想進一步減低性病傳播嘅風險,可以考慮番口交嘅時候都可以用口交套/口交膜/安全套。而插入式嘅性行為時,亦整個過程都戴好安全套。透過使用以上安全措施,可以有助降低懷孕同埋感染嘅風險,對自己同對方都有一份保障啊 :wink:

酒店從衛生環境上,始終性傳染疾病主要係透過透過高風險嘅體液,接觸到黏膜組織、或者破損傷口(例如流血),先會有比較大機會可以造成性病傳播 ,所以環境上嘅影響比較低,無需太擔心嘅 :relaxed:。可以留意嘅係部分性病病毒能夠透過共用物品(如毛巾、被褥)方式傳播,但因為機會率較低(除左陰蝨),實際上會令你與對方一齊訓嘅時候感染到呢類性病嘅風險都好低。加上HIV病毒系空氣中好難生存好耐,可以唔洗擔心一齊訓系床嘅時候會感染到啊~