事關今日我同男朋友行行吓街覺得好攰，就走咗去一間泰式按摩店度按摩，按尾龍骨嘅時候都幾大力。但之後男友發現自己下面硬唔到又勃唔起(呢幾日冇性行為+自尉)，我地就懷疑會唔會係按摩嘅時候按傷咗神經。
不竟係我提出話去呢間舖，我同佢都啱啱18歲，唔希望因為我佢性功能咁細個就有問題，我自己都好自責，而同時男友心情都好煩躁，我哋都唔知做咩好，覺得好無助。男友已經對我好好，冇同佢阿媽講係我帶佢去按摩，咁樣搞到我仲自責，好驚累到佢一生都冇辦法進行性行為/生仔。
我只希望聽日起身咩事都冇，唉。
所以請問可以去咩機構做檢查？同埋點樣可以安慰佢？
更正少少：男友話下面可以微硬起
但去唔做100%
hello 你好啊 
，首先都多謝你地分享身體上嘅煩惱。你同男朋友可以去泌尿科專科門或者喺家計會（男性：男性健康服務－生殖與性健康檢查）做詳細嘅身體檢查。因為男朋友出現咗依家呢個情況，都有機會受好多因素影響，唔一定同按摩服務事必一定有關係，所以向醫生直接了解男朋友嘅身體情況，就可以獲取比較確切嘅答案～ 
以下家計會預約服務嘅網站，你同男朋友都可以睇下果邊嘅服務會唔會適合你地～
男性健康服務 - 香港家庭計劃指導會
e-服務預約 - 香港家庭計劃指導會
所以喺未了解到問題發生嘅真實嘅原因之前，都無需過於自責 
，都了解下男朋友平日嘅生活習慣同近期嘅情緒喺點樣？又或者之前有冇出現相似嘅情況？因為情緒因素、壓力因素同埋生活習慣嘅轉變都有機會影響男性嘅勃起功能。