事後避孕藥一問

你好,早前於11/7曾經發生過不安全性行為,性行為後,已立即服用事後丸,現在有以下疑問,希望各人員可協助解答:

(1) 我於多年前亦曾經服用過事後避孕藥,當時服用後身體十分不適,但今次服用則沒有明顯身體不適,而服用後亦沒有嘔吐。
若果遇上這情況是藥物沒有效用還是在合理情況中?

(2) 於服用有關藥物六至七日後 (即16/7-17/7間),下體出現啡色分泌物,由於看過先前的討論,理應是在服用藥物後兩日出現分泌,因此想詢問以上情況是正常抑或是懷孕的先兆?

(3) 假如想檢查清楚是否懷孕,是否在性行為11日後便可以作檢查?
抑或要在一個月後檢查才會比較準確?

(4) 另外假如真的懷孕的話,哪裏可以做合法流產手術,謝謝:pray:t2:

:sos::sos::sos::sos::sos::sos::sos::sos::sos::sos::sos::sos::sos::sos::sos:

hello 你好啊 :smiling_face_with_three_hearts:,回應翻你四個問題先 :face_with_monocle:

(1)答案唔喺嘅~ 因為事後丸都有分好多種類,除咗服用事後丸嘅時間分為性行為進行後72小時內、或者120小時內,因為每個牌子/款式嘅避孕藥內含有嘅荷爾蒙類型同埋劑量都會有唔同。所以你多年前服用嘅事後丸,未必同依家服用嘅事後丸喺一樣~

再者,身體狀況都會受好多個因素影響,所以就算以前服用事後藥會出現副作用,都唔代表依家、或者將來都會出現同樣嘅情況。只要喺性行為進行之後,72小時內,或者120小時服用由醫生處方嘅事後丸,服用藥物2小時內如果冇出現嚴重嘅副作用(例如嘔吐或者肚痾,令身體有機會排出藥丸)嘅話,其實事後藥都會喺身體發揮作用~ 呢點可以放心~ :muscle: :laughing:

(2)都想了解今次服用嘅事後避孕藥,喺咪屬於經醫生處方?好似上面所講,因為每個牌子/款式嘅避孕藥內含有嘅荷爾蒙類型同埋劑量都會有唔同,有機會某部分避孕藥唔適合你嘅體質,係有機會引致嚴重嘅副作用 :pleading_face:。而且避孕藥亦並非每個人都適合服用。流啡方面,有機會受事後丸嘅影響,因為有機會事後避孕藥內含有嘅荷爾蒙影響你嘅身體嘅分泌

再者,事後丸嘅其中一個副作用影響下一次經期提早或廷遲,所以今次嘅流啡都有機會喺下一次來經之前嘅先兆~ 另外,可能你都擔心今次嘅流啡,會喺會同坊間所講嘅「著床性出血」喺同樣嘅情況。所以都補充少少,著床出血唔一定喺懷孕出現嘅狀況,並唔係一個常見嘅現象,即使真係因為懷孕都係只有少部分女性會出現嘅情況。當中嘅原理喺係指當受精卵着床喺子宮壁嘅時候有機會造成嘅少量出血,通常只會有幾滴或者最多一塊護墊可以承載到嘅血量,而且係一次性,唔會持續地出血幾日,血嘅顏色亦會同月經嘅唔一樣。 :wink:

(3)性行為發生後7日驗孕,可以獲取初步嘅結果;11日後驗孕可以獲取準確同可靠嘅結果。驗孕棒嘅原理喺透過檢測尿液中嘅HCG(人絨毛膜促性腺激素)含量嚟判斷有無懷孕,因為只有受精卵成功著床嘅女性身體先會會開始分泌HCG,通常著床時間就會係6-9日,所以性行為發生後11日就可以驗孕,得出準確嘅結果:muscle: :muscle: :muscle:

(4)家計會都會提供終止懷孕服務,喺本港合法終止懷孕的話,係需要得到兩名註冊醫生證明,繼續懷孕會對孕婦生命構成嘅生理或心理損害較終止懷孕大比較大 。如果決定要終止懷孕,首先要確認自己嘅懷孕週數,因為週數嘅長短係會影響自己去邊個機構/醫院接受終止懷孕。例如家計會只會為懷孕期10週內嘅就診者提供藥物終止懷孕/手術終止懷孕(真空吸引術)。

以家計會為例,當求助者打電話預約服務,第一次求診會見到醫護人員同輔導員,醫護人員會向你了解基本嘅病史、進行身體檢查、講解終止懷孕嘅方法等等,而輔導員就會協助求助者了解自己嘅選擇同疏導有機會出現嘅情緒。第一次見面都會預約埋下一次覆診嘅時間。第二次求診嘅時候,如果你地決定要喺家計會進行終止懷孕,就會進行醫療程序,同時都會有心理輔導嘅。而第三次到診,係術後覆診,都係會有醫療同輔導兩方面。頭兩次嘅都會相隔一段時間,所以如果真喺去家計會進行終止懷孕嘅服務,都需要留意時間~

另外,除咗我地之外,都會有其他機構提供意外懷除孕嘅支援,如果你假使真喺懷孕,都可以考慮搵佢地,睇下果邊嘅服務會唔會適合你地~ :revolving_hearts: :innocent:

青躍:Teen's Key 電話:2302 0068/6166 9674(whatsapp)
母親的抉擇:https://www.motherschoice.org 電話:2313 5678/5633 5678(whatsapp)

今朝m到了:rofl:
另外 都想問事後一年只可以食三次?

太好啦,你見到月經嘅出現應該都會即刻安心咗好多。 :smiling_face_with_three_hearts:

正如之前所講,緊急避孕藥有機會會影響月經,而受影響嘅月經週期可能有1-2個,所以都想你有定心理準備,可能你下一次月經嘅情況都會同之前嘅平均情況有所不同,到時都唔需要太過擔心嘅。 :relaxed:

至於緊急避孕藥可以食幾多次,其實並無話一年只可以食幾多次嘅,因為每人嘅身體狀況都唔同,甚至有人根本就唔適合食事後藥。不過都有啲注意事項嘅,因為緊急避孕藥係通過服用高劑量嘅荷爾蒙去改變身體狀況從而大大降低懷孕嘅機會,所以對身體都有一定嘅負擔,唔建議太過頻密嘅使用。頻繁服用緊急避孕藥有機會造成月經週期混亂,甚至對身體其他器官都有影響。 :confounded:
例如同一個月經週期(一個月經週期係由月經嘅第一日去到下一次月經嘅前一日)內,唔可以食超過一次,一嚟係因為身體未必負擔到,二嚟同一週期食兩次避孕功效亦會受到影響,所以通常醫生會建議你食完緊急避孕藥之後直至到月經出現,都唔好發生性行為住。同埋都唔建議連續兩個月經週期都服用緊急避孕藥嘅。 :blush:

最後,建議你選用適合自己嘅安全措施,咁下次再發生性行為嘅時候就會更加安心啦! :sparkling_heart:

如果要做事前嘅預防工作 你哋要prefer打針定係食藥?
兩者會有咩異同?

你所講嘅避孕針同埋避孕藥都屬於荷爾蒙避孕法,係通過服用/注射人造荷爾蒙,去抑制排卵、改變子宮內膜使受精卵難以著床、同埋增加子宮頸分泌物嘅黏稠度,令到精子相對難以穿過黏液進入子宮腔內。兩者喺正確使用嘅情況下避孕成功率都有99%。呢兩種方法都未必係每個人都適合使用,而每人嘅身體狀況同埋需求都唔同嘅,所以無話prefer邊一種,而係你要選擇最適合自己嘅安全措施! :wink:

避孕針要等醫生評估你嘅身體情況適合使用之後先進行注射(通常會注射喺臀部);而避孕藥雖然好容易自己買到,但係市面上每一款避孕藥都有唔同成份同劑量,所以都建議第一次服用之前要睇下醫生,等醫生評估下你嘅身體係咪適合食、同埋適合食邊一隻藥。可以去家計會診所/母嬰健康院/部分私家診所得到呢啲服務,有需要就可以去預約呀。 :woman_health_worker:t2: :man_health_worker:t2:

因為係荷爾蒙類嘅藥物,所以使用之後都會出現一啲副作用,例如頭暈、頭痛、胸部脹痛等,通常1-3個月內身體適應咗藥物之後副作用會消退,亦有人可能需要多啲時間去適應藥物嘅。如果選用避孕藥嘅話,有人可能要喺醫生建議下嘗試幾款藥先搵到最適合嘅一款藥。但係如果副作用嚴重,例如出現昏迷、呼吸困難、心跳加快等等,就要盡快就醫。 :persevere:

避孕針同避孕藥最大嘅唔同在於使用次數。避孕藥係需要根據藥物種類每日服用/或者有啲避孕藥係服藥21日然後停7日,而且要每日準時服用,如果漏食或者服用完段時間內嘔吐都可能會影響藥效。而避孕針係1個月注射一次(混合荷爾蒙避孕針)或者3個月注射一次(單一荷爾蒙避孕針)。而如果你選用每個月注射一次嘅避孕針,醫生都會每個月喺注射前詢問你嘅身體狀況先,可能都可以相對更加密切地去了解你每個月嘅身體狀況。你可以根據自己嘅需要選擇邊一種使用方式更加適合自己。 :relaxed:

而避孕藥同每月注射一次嘅嗰款都有調節經期,令月經變規律、減少經痛同埋經血量變小嘅功效,但係可能喺頭3個月身體適應嘅嘅時候月經都會未咁穩定,甚至有陰道出血嘅狀況,但一旦身體適應咗,月經情況就會好規律。而3個月注射一次嘅嗰款避孕針有機會導致月經唔規律甚至閉經,但係如果醫生覺得你嘅身體只能夠注射呢一款避孕針,其實都係可以選用嘅。 :blush:

最後,都想提返你,避孕藥同避孕針有避孕功效,但唔會好似安全套咁,可以減低性病傳播或者其他感染(例如尿道炎、陰道細菌感染、念珠菌感染等等)嘅風險。如果想多一份保障,都可以使用荷爾蒙避孕法嘅同時配合埋安全套一齊使用㗎。