同女朋友做 次次都入唔曬 入左一半多啲就話到頂

如題 次次同女朋友做 佢都唔俾我入曬 入左一半就話到頂 試過用小小力推 我feel 到有舊骨頂住我 之後無再試

但咁樣我覺得唔舒服 有無咩方法可以令佢同我都覺得舒服?

陰道喺受到刺激嘅時候會增長,而且陰道係好有彈性嘅身體結構,所以理論上係比較少出現你所講嘅情況。而且恥骨嘅位置會係接近子宮頸嘅位置,通常情況下都相對比較難掂到。而其實每個人嘅陰道結構都可能唔同嘅。 :thinking:

同埋都想了解返,女朋友之前有冇性經驗,或者之前有冇同其他人成功發生到陰道陰莖插入式性行為? :face_with_monocle:

有時陰道潤滑不足,或者比較緊張嘅時候,可能陰莖插入陰道嘅時候都會造成痛楚,而唔能夠順利咁插入。 :confounded:

你哋可以試下下次發生性行為嘅時候配合埋潤滑劑,可能喺比較多潤滑嘅情況下,減少咗磨擦產生嘅痛楚,會舒服啲。建議使用水性/矽性/水矽混合性嘅潤滑劑;唔建議使用油性潤滑劑,因為油性成分會導致乳膠安全套破裂,亦有機會會破壞陰部健康嘅酸鹼平衡。關於潤滑劑嘅資訊,可以參考:

而放鬆嘅氛圍同埋心情都好緊要嘅!你哋都可以討論下有啲咩環境或者行為會令大家覺得舒服同埋享受。例如發生性行為之前互相幫對方按摩,播放你哋鍾意嘅音樂,或者一齊睇一啲影片。充足嘅前戲,例如親吻、愛撫、請話、擁抱等等都可以令大家放鬆啲進入狀態。 :smiling_face_with_three_hearts:

同埋你哋都可以嘗試下唔同嘅體位,睇下有邊一啲係令到你哋都覺得舒服嘅。過程中都需要好多嘅溝通同埋共識。亦有可能唔係一次就成功,可能要嘗試幾次先得。或者你哋都可以嘗試喺陰莖插入前進行指交,去探索下陰道結構,睇下邊個位會有「頂住」嘅感覺。有或者可以同枕頭墊高女朋友嘅臀部,睇下會唔會舒服啲。而市面上都有一啲產品可以幫助到因為陰道陰莖尺寸問題而唔能夠成功插入嘅人,都會增加性行為中舒服嘅感覺㗎。 :blush:

最後你哋都可以調整下心態,重新思考下性行為係咩,係咪一定要進行到陰莖陰道插入式嘅性行為先得?會唔會有一啲其他嘅性接觸嘅方式可以令到你哋雙方都覺得舒服同埋享受?甚至可能探索性歡愉嘅過程當中你哋都會因為溝通多咗而令到你哋感情加深咗㗎~ :sparkling_heart:

而如果嘗試咗一段時間都未必可以,甚至痛楚嘅情況加深,或者陰道內有硬塊嘅感覺更加明顯,咁都值得去睇下婦科醫生,睇下有冇一啲特別嘅身體狀況影響咗。 :woman_health_worker:t2: :man_health_worker:t2:

最後提返你哋,發生性行為嘅時候選用返適合你哋嘅安全措施,咁就可以更加安心啦! :wink:

感謝你的回覆!我女朋友未試過同其他人發生關係,而我以前同ex做,都無聽過投訴頂得太入。另外,我地有試過用KY,但女朋友唔鍾意之後就無用。

hello 你好啊 :smiling_face_with_three_hearts:,都想了解點解女友唔仲意使用KY :pleading_face:? 因為覺得用KY,喺因為女友覺得自己唔夠濕所以避忌? 又或者因為使用KY唔習慣,定還是有其他唔好嘅經歷 :sleepy:?都建議你同伴侶主動溝通翻呢個問題,性生活都喺親密關係中重要嘅一環,主動分享你嘅看法,或者令女友更加感受到你為關係所付出嘅努力~ :laughing: :muscle:

正如同上面 @ching 所講,你可以嘗試以上唔同方法,令你同伴侶更加投入性行為當中,例如增加前戲嘅愛憮或環境營造唔同嘅氛圍~ 希望可以幫到你 :smiling_face_with_three_hearts:

女朋友話覺得用KY會搞到張床濕左,二來用左佢覺得無咩feel 難d 高潮 所以就唔想用

如果真係比較擔心整濕張床嘅話,可以嘗試係床上面舖毛巾或者一啲寵物用即棄嘅濕墊,咁就唔洗擔心,亦都唔會因為擔心張床會濕而分心。同埋用潤滑劑嘅時候係需要將潤滑劑倒落手,然後再搽落想潤滑嘅地方,剛樣就可以好好控制份量架啦,用嘅時候都建議少量使用,如果唔夠再加嘅。

其實有好多唔同類型嘅潤滑劑嘅,建議你可以用一啲水矽混合嘅潤滑劑,一方面無咁容易乾,一方面使用少少就已經可以達到潤滑嘅效果。當然,你都可以選擇一啲有唔同效用嘅潤滑劑,例如熱感、冷感、麻感等等嘅潤滑劑,咁樣唔單止可以有潤滑嘅效果,亦都可以令性行為嘅過程有更多嘅樂趣。