想知道有左既機會大唔大

7月3 - 9號黎M,過左5日之後即係14號發生性行為
第一次做有帶套射左,第二次做無帶套但冇射
拎出黎之後都見到有少少分泌物喺個頭到
平身我月經不週會隔30-40日先黎一次M
咁既話安全期係咪好難計:thinking::thinking:同埋今次冇帶套懷孕機會大唔大:pleading_face:

Hello~ 男性性興奮嘅時候會分泌透明嘅係叫「尿道球腺液」,當中有機會含有少量精子,所以如果唔係喺整個性行為期間使用安全套,都係有懷孕嘅風險嘅。

另外,一般來講所謂嘅「安全期」係指月經前嘅七日同月經起計七日。不過呢一個計算係好科學地以周期數字係28日,而且係第14日排卵去計算。但現實生活中唔係每一個人嘅周期數字都係28日,亦唔係每一個女性都係喺第14日排卵,所以一般情況下係唔會建議大家透過計算安全期或者危險期去避孕。

而且其實要月經嚟咗先至會知道到底幾時係前七日同後七日,同埋大概知道呢個月嘅周期去大概計算返排卵日。所以其實係未嚟月經嘅日子之下,係唔能夠推算到幾時排卵或者幾時係安全期嘅。

因為宜家已經過左緊急避孕藥嘅服食時限 (性行為後72/120小時內),所以建議你待性行為嘅7日後進行驗孕,因為驗孕棒係透過檢測尿液中嘅hCG (人絨毛膜促性腺激素)含量,呢款激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。

如果現時未有計劃懷孕嘅話,建議喺整個性行為嘅過程中都使用安全套,亦都可以考慮其他避孕方法,例如避孕藥、避孕針、子宮環等等。