避孕環喺香港好似好少人用，問過身邊啲人都話冇聽過
我見避孕環既避孕率其實係咁多種方法入面最高，超過99%
而且我又唔想日日食避孕藥，事後藥又好傷身，男朋友又唔中意帶套，有時又覺得去到嗰個位要等佢帶套有啲掃興
我本身有經痛問題，藥性避孕環好似仲可以減輕經痛問題
雖然安全套有預防性病既功能，但係我同我男朋友都係第一次，咁既話會唔會都有可能感染性病？
上網睇多數都係生完bb先會用避孕環，想知有冇未生過bb既人都有用
而且見到有啲人話好痛，痛左好耐最尾要book期去除，有啲又話一開始痛一陣之後就冇事
又話可能喺性行為既時候男伴會感覺到條線喺陰道到，有啲人又話唔會
最恐怖係見到個避孕環有可能移位或者導致宮外孕同埋吉穿個子宮
感覺用左避孕環好似好有保護性唔會有左，而佢啲副作用雖然唔會每個人都有但都可以幾嚴重
而且一個都唔平，整完發現唔舒服要拎番出黎都好唔抵咁
但係香港好似比較少見人討論避孕環
所以想知有冇人用過/用緊/想試
可以分享下
→ 選擇子宮環嘅原因？
hello 你好啊 
，都想了解下你對子宮環有興趣嘅原因喺純粹因為避孕嘅成效高？定還是其他心理因素或生理因素令你同伴侶無辦法使用其他荷爾蒙嘅避孕方法？雖然事前避孕藥或避孕針有機會為女性帶來嘅副作用例如體重增加、頭痛及頭暈、乳房漲痛，但喺副作用通常唔會超過3個月，通常身體慢慢適應藥效，副作用就會慢慢消失～ 
→ 子宮環嘅原理同副作用
相反，子宮環由醫生放置喺子宮腔內作長期避孕，有效期通常由3至12年不等。基本原理同其他荷爾蒙避孕方法差不多，都喺改變陰道內環境、精子游動方式令精子無法接觸卵子，阻止受精。然而，使用子宮環嘅身體限制都唔少，例如生殖器官異形、患盤腔炎、嚴重經痛、經量多、不正常陰道出血、嚴重貧血、患風濕性心臟病、對銅質過敏等等，都唔適合子宮環喺避孕。當中嘅副作用就用下腹疼痛、非經期陰道出血、經期不規律等等。
另外，因為見你提到子宮環或可以減輕經痛。子宮環可以分為兩種，一種喺銅質（物理），一種喺藥性（荷爾蒙）；而藥性子宮環會釋放黃體酮荷爾蒙，呢種荷爾蒙可以控制身體荷爾蒙水平，可以令經期縮短、減輕經痛、經血量都可以減少。而黃體銅呢種荷爾蒙其實其他避孕措施，例如避孕針、避孕藥都含有呢種成分，同樣可以減低。所以並非子宮環可以減輕經痛，喺子宮環內嘅黃體銅可以減輕經痛 
。
然而，喺完成子宮環放置手術初期，都有機會出現副佢用。頭幾次黎月經嘅時候，經血量比過往多，經痛亦比過往嘅經痛強烈。或者戴環後幾日，都有機會出現腹痙攣性疼痛或背痛。所以都好建議你可以諮詢醫生之後，再考慮自己嘅情況係咪適合使用子宮環呢個避孕工具啊～
→ 適合子宮環嘅女性身體條件
喺香港，無論喺有、或冇生育經驗嘅女性都可以嘗試使用子宮環，但因為子宮環都喺尋於手術嘅一種，喺入侵性醫療程序，事前必須由醫生進行身體及盤腔檢查，確定身體不適合戴環的問題，再根據個人情況而選擇合適的子宮環。以家計會所提供嘅子宮環服務為例，家計會會再三確認過你同伴侶喺咪真喺有需要選擇呢種避孕嘅方式，所以你都可以借呢個機借同伴侶溝通一下，睇下有冇避孕方法更為適合你地嘅情況，又令你同伴侶覺得滿意同可以接受。 
以下喺家計會有關子宮環嘅資料：子宮環 - 香港家庭計劃指導會
又或者你可以打電話聯絡佢地：e-服務預約 - 香港家庭計劃指導會
→ 子宮環不能預防性病
最後，都想提提子宮環喺不能預防性病，如果想有效地預防性病，都可以物理性阻隔措施，例如男用安全套、女用安全套等等。希望可以幫到你啦～ 