如果食完時事前避孕藥一個鐘頭後飲涼茶會唔會降低避孕效能
YAZ
同埋如果早小小吃有冇問題
hello 你好啊 ,想了解多少少背景資料先。服用事前避孕藥前,有冇詢問過醫生嘅意見,或做一個簡單嘅身體檢查再決定服用邊一款嘅避孕藥?到目前為止,唔知道你服用咗事前避孕藥幾耐?
同埋都想了解你指嘅涼茶喺邊一種?
如果喺香港人平時習慣飲開嘅菊花茶、廿四味其實都唔會影響到藥效 。如果喺YAZ 優悅呢款避孕藥,只會喺某幾種情況下會影響到效用,例如服用抗生素、超過漏服時限(12小時)都冇食藥、嚴重嘅嘔吐或嚴重腹瀉情況發生,令身體冇辦法吸收到藥效,至會降低避孕嘅功用。
根據YAZ 優悅嘅官網,只有以下呢幾種嘅藥物成份會影響避孕藥嘅功用:
- 感染:抗生素如penicillin, 四環素, griseofulvin
- 癲癇症(如primidone, phenytoin, barbiturates, carbamazepine, oxcarbazepine, topiramate, felbamate)
- 肺結核 (如rifampicin)
- 愛滋病病毒感染(如ritonavir, nevirapine)
- 草本療程St. John’s Wort
所以其他食物/飲品都唔會影響到,唔需要太擔心~你可以參考翻YAZ 優悅嘅網上了解同參考多d : YAZ®優悅 - 避孕藥常見問題
另外,如果你已經服用咗事前避孕藥一段時間,例如1個月以上嘅話,又冇出現嚴重嘅副作用,相信避孕藥都喺身體建立咗一定嘅藥效,並且已經適應咗 。漏服咗避孕藥12小時以上,至會影響藥效。而且Yaz避孕藥係屬於混合荷爾蒙避孕藥,依類避孕藥嘅服藥時間相對無咁嚴謹。所以提早或廷遲少少服用喺唔會影響到避孕藥嘅藥效~希望可以幫到你啦