避孕藥....

如果has 食咗一個月剩返四粒白色咁食緊第二粒嘅途中可唔可以無套性交

Yaz

Hello @Thebausffs :relaxed: :wave:t2: 首先,都想了解一下你服用左幾耐YAZ 24+4避孕藥?而服用之前,有無諮詢過醫生嘅意見?

從藥效方面黎講,安排非活性成分藥丸嘅主要目的,係希望大家能夠維持持續服藥嘅習慣,唔會因為突然停藥,而打亂服藥嘅習慣或者漏服左避孕藥 :relaxed: 只要你係有一直按指示定時持續服用避孕藥,你嘅身體已經係會因為避孕藥藥效嘅緣故,而抑制左排卵同埋令精子難以同卵子結合及著床 。所以即使服用非活性成分藥丸期間有發生無套嘅性行為,身體亦會因為之前避孕藥所建立嘅藥效,而令受精卵難以著床。所以無需太擔心呢段期間發生無套性行為,會有懷孕風險。

此外,一般我地都會建議第一次服用避孕藥前,先接受醫生嘅評估及進行身體檢查 :relaxed:。因為每一個牌子、每一款避孕藥,內含嘅荷爾蒙劑量都唔同 ,未必適合每一位女性服用,隨便服用的話,有機會導致身體出現嚴重嘅副作用。加上亦唔係每一位女性,都適合透過服用荷爾蒙避孕藥去進行避孕 。因此,第一次服用嘅時候,醫生一般會因應你嘅體質,去建議比較合適嘅避孕藥牌子及款式。而睇家計會醫生的話,服用一個月之後,醫生應該都會叫你覆診一次,了解避孕藥對你身體出現嘅影響及副作用,睇睇有無需要轉用其他避孕藥,或者需要停藥 :blush: 如果之前係無睇過醫生,亦建議搵機會先睇睇醫生,了解一下身體狀況係咪適合服用避孕藥先。

最後都提醒番,服用避孕藥雖然有避孕功效,但係無辦法減低性病傳播風險。如果想多一重嘅保障,都建議配合番安全套使用,減低性病傳播嘅風險:relaxed:

服用YAZ避孕藥方面,詳情都可以睇番以下官網網站嘅指引,以及避孕藥包裝內附有嘅說明書。

YAZ《開始服用YAZ®優悅》: