每日有食事前藥，上星期打完疫苗，兩日分別食過兩粒panadol，上網睇話抗生素/ 感冒藥會降低荷爾蒙功效 令避孕藥無作用
我呢個星期有同男朋友無套性行為，好驚中招呀
會唔會有事㗎 心急人上
我兩隻藥只相隔約2個鐘
Hello @Happypooh 
Panadol 所含的藥物成分，並唔會影響口服避孕藥嘅藥效，所以無需太擔心
而感冒藥及抗生素方面，現時大部分感冒藥及抗生素都唔會影響荷爾蒙式避孕措施，只係依然有幾款感冒藥及抗生素，確實有機會會降低避孕藥嘅功效。一般如果有特別服用其他藥物嘅時候，建議都先諮詢番醫生，了解會唔會有需要使用額外嘅避孕措施～ 不過如果服用感冒藥或抗生素之前，唔記得同醫生提及過自己有持續服用嘅事前避孕藥的話，都建議致電聯絡醫生問清楚先啊 。
反而係注射疫苗方面，都想了解一下你注射疫苗之前，有無同醫生講過你有持續服用緊口服避孕藥？如果注射疫苗之前，有預先詢問醫生，而醫生都認為無問題的話，咁就無需擔心
。
外國暫時對於事前避孕藥及疫苗之間的影響，研究數據唔算多。普遍黎講都有指出注射疫苗，有機會對月經週期產生影響，原因係子宮內膜內都含有免疫細胞，注射疫苗有機會令子宮內膜內嘅免疫細胞有反應，有機會延遲月經週期，服用事前避孕藥嘅人士都有機會受到影響。所以不論有無服用Panadol、抗生素或感冒藥都好，本身注射疫苗嘅免疫反應，都有機會影響月經週期。暫時未有研究指出會影響事前避孕藥嘅藥效，只係會影響月經情況有機會會有改變，所以都無需太擔心 。