飲咖啡後服用避孕藥,需要補服嗎

我一直服食緊Yaz, 平日大概晚上12:30am服用。但琴晚唔太舒服食咗,11:00Pm食咗必理痛,為藥效衝突,所以今朝7am即刻補食一粒。

但我太大意了,7am 食藥前15分鐘飲咗咖啡,所以擔心會影響藥效,想請問今日需要再補服一粒嗎?

Thank you so much!

琴晚無食藥,因為怕同必理痛有衝突,所以今朝7am先食藥

Hello @KatKat :relaxed: :wave:t2: 以飲品黎講,除左酒精之外,其他飲品基本上都唔會影響避孕藥嘅藥效嘅。除非飲完之後出現疴嘔嘅症狀,而個症狀持續超過24小時嘅話,先有可能妨礙腸胃吸收避孕藥而影響成效。所以如果平日身體無大礙又有依足指示定時食藥嘅話,服用避孕藥前飲用過咖啡,係唔會影響到避孕藥嘅成效,無需太擔心:wink:

酒精方面 :beer:,暫時研究指出酒精本身並唔會直接影響避孕藥嘅藥效。不過有時透過因為飲左酒,就有機會導致部分女性唔記得服藥,導致影響避孕藥嘅藥效 :cold_sweat: 又或者如果因為飲左太多酒,導致服用避孕藥後未夠2小時就嘔吐,咁亦都會影響避孕藥嘅藥效。咁就可能到時需要即時服用多一粒避孕藥,並儘快諮詢醫生嘅意見~

特別針對今次飲咖啡嘅情況 :coffee:,雖然並唔會減低避孕藥藥效,但係都提醒番口服避孕藥係會與咖啡出現交互作用,會減低身體分解咖啡因嘅速度,有機會導致頭痛、心跳加速、噁心、暈眩,及其他副作用。建議服用避孕藥後,最少相隔1小時先再飲用咖啡,避免產生交互作用啊 :blush:

同埋,必理痛(Panadol) 所含的藥物成分,並唔會影響口服避孕藥嘅藥效,所以無需太擔心,同時服用必理痛及口服避孕藥,原則上係無問題嘅 :wink: 不過如果以安全起見,就建議唔同藥物最好相差四小時先服用,就會比較好 :blush:

多謝Sze Sze詳細解答呀,多謝你我安心啲了 :heart:

1個讚