食緊優思明
停藥停咗一個禮拜
本來應該禮拜五食
但係唔記得咗買
最早都要禮拜六早上或中午先買到藥食
咁樣會唔會影響避孕效果
Hello @uuuui，因為本來係需要於星期五（30/7）服用避孕藥，如果依家最快都需要星期六（31/7）早上或中午先買到藥，都建議考慮呢7日配合番阻隔式避孕工具（安全套） 
。
因為參考番YAZ官網，Yasmin的漏服時限為12小時。依家嘅情況，好大機會服用到避孕藥嘅時候，已經距離原定星期五服藥時間已經超過12小時，咁避孕藥本身嘅藥效可能就已經降低左，所以就配合阻隔式避孕工具來減低懷孕風險 。
平日如果唔肯定自己之前有無漏服，首先可以留意番以下情況，都需要再次配合阻隔性避孕工具 使用， 持續7天 ，因為藥效有機會消失，需要重新建立，避免期間有懷孕風險。
服藥期間曾經漏服藥，有補食藥丸
服藥期間曾經漏服藥，無補食藥丸
曾經停藥（不包括Yasmin七天無藥期）
參考 <YAZ - 避孕藥常見問題>
建議下次可以嘗試在個人行事曆寫低邊一日要開新一盒藥，提醒自己要提早去買 
。又或者唔記得買新一盒優思明避孕藥呢個情況都較常出現，就建議可以諮詢一下醫生嘅意見，睇睇邊一款避孕措施比較適合你嘅需要及體質 例如會否考慮轉服其他服藥方式嘅避孕藥（例如含非活性成分藥丸的包裝，幫助大家能夠維持持續服藥嘅習慣），或者選擇其他避孕措施（例如避孕針）。