同男朋友做左2次都流血又痛又冇舒服感覺，跟著用日指試過好多次都系痛又流血，想知幾耐試幾多次先會唔痛唔流血又舒服
Hello @Willitbe 
一般黎講，性行為期間覺得痛及流血，都好大機會係因為過程中出現摩擦，而令陰道/肛門內造成損傷。如果傷口未完全癒合，再發生性行為，都有機會令傷口惡化啊。 一般情況下，過多一陣傷口就會復原自然好番，唔洗太擔心 
暫時都建議傷口好番之前（大概一星期左右），特別係傷口依然感到痛楚，或者分泌物內依然出現血絲嘅時候，就唔好發生性行為住，避免影響傷口復原情況啊 。
而疼痛方面，都想了解一下，呢兩次痛嘅原因主要係D咩？例如係太乾唔夠濕潤，還是未適應手指/陰莖插入？
如果呢兩次主要都係因為太乾唔夠濕潤，而之前都無嘗試過使用潤滑劑，下次性行為可以配合番適量嘅潤滑劑 ，減低番摩擦以及再次弄損嘅機會 
。或者如果已經有使用潤滑劑的話，當潤滑度不足嘅時候就記得再補番多少少潤滑劑啊 （因為有時隨住性行為嘅時間，潤滑劑有機會於過程中乾透，就需要適時再補多少少 
） 
～
如果疼痛嘅感覺係因為身體比較緊張，陰道/肛門比較緊而造成，下次可以嘗試開始之前加番少少前戲，例如撫摸下陰蒂/其他敏感部分如乳頭、互相親吻等等，令身體放鬆啲。亦可以嘗試指交或者口交，或者配合性玩具慢慢一步一步嘗試先～
有時性行為過分激烈都有機會導致疼痛，可以試下將節奏放慢，溫柔D咁進入同抽插，話唔定有助減少疼痛嘅感覺 。
指交方面，都要留意都有機會係因為指甲唔小心刮到陰道壁/肛門組織，引致少許流血同刺痛。建議伴侶下次指交前要剪好指甲先，減低刮傷機會。另外建議考慮使用指套(findom)，一方面減低刮傷嘅機會，另一方面有助隔離手指及指甲內藏有嘅細菌。如果無指套的話，其實用安全套包住手指都可以 。有關安全套變指套嘅方式，詳情可以參考以下文章：
糖不甩《Stickypedia系列－安全性行為：第三寶》
最後，不過如果傷口嘅痛楚感覺持續或者變得強烈，或者下體有持續出血情況時，就記得要及早求醫啊 
。
唔該曬你呀 想問因為我同佢岩岩破處 都只系做過兩次 咁流血系咪都正常 系咪要試多幾次就有舒服感
Hello~ 照你所講嘅情況，除左好似Sze提到有機會係陰道潤滑度不足或者過份緊張所致，亦都有機會係因為插入時觸碰到「陰道冠」，即係坊間所講嘅「處女膜」。陰道冠並唔係一塊密封嘅薄膜，而係一塊有彈性同開口嘅結締組織，之所以有開口係讓分泌物同月經流出，而開口嘅大細同形狀係因人而異嘅。
陰道冠上面其實本身唔係有好多血管同神經末梢，主要分佈喺連接陰道壁嘅位置，所以即使係第一次發生性行為或者放任何物件入陰道，令到原有嘅開口變得更大或者造成一啲新嘅開口，都唔一定會流血或者感到痛楚。
而睇返你嘅情況，有機會係兩次插入時觸碰到陰道冠連接住陰道壁嘅位置，亦都有令部份嘅陰道冠破裂，所以就會出現流血同疼痛嘅情況。
陰道頭幾次插入時疼痛嘅情況，一般會隨住陰道慢慢習慣插入嘅感覺而改善嘅，所以唔洗太擔心 你地可以先嘗試Sze之前提到嘅建議，相信慢慢就會更舒服同享受架啦