十年前嘅會唔會有機會

如果十年前同一個性病康復嘅人發生過一次性行為,之後無任何症狀。之後到而家都一直有穩定伴侶,佢都無任何症狀。3年前有做過基本body check, 有驗血驗尿,其實係咪安全?(上網睇過應該喺果一次之前就已經有良性果隻珍珠疹)

hello你好啊 :smiling_face_with_three_hearts:。想了解多少少「性病康復」嘅意思喺指咩?又或者介唔介意透露對方嘅性病種類?性行為當中涉及到體液嘅交換?唔同性病、唔同階段,嚴重程度都唔同,需要既治療方式會因人而異。有冇固定嘅性伴侶,同患上性病嘅機會率其實冇直接關係,相反每次性行為有冇同伴侶有足夠嘅共識,使用安全措施保障大家、又或者平日清洗性器官嘅生活習慣更能影響患上性病嘅機會。 :wink:

性病嘅傳染方式,通常都喺透過高風險嘅體液,例如精液、腸液、尿道球腺分泌(Pre-cum)、陰道分泌、血液,直接接觸到身體上開放性嘅傷口(例如淌血傷口)、又或者同較簿同脆弱嘅黏膜組織進行磨擦,有機會擦傷,例如肛門、直腸、口腔、陰道、眼睛、鼻腔等等接觸,就會有機會傳染到性病。所以都了解一下你10年前同對方發生過性行為嘅細節~ :smiley:

一性病大約分為兩種,一種喺細菌型性感染疾病,另一種喺病毒型性感染疾病。

細菌型性感染疾病,可以透過藥物而被治癒,例如淋病(淋病雙球菌 Neisseria gonorrhoeae)、非淋病性尿道炎(多種致病菌)、衣原體感染(砂眼衣原體 Chlamydia trachomatis)、梅毒(梅毒螺旋體 Treponema pallidum)。以上嘅性病可以照醫囑服用抗生素就可以痊癒。

病毒型性感染疾病,無法根治,但仍然可以被治療。例如HIV病毒及愛滋病(人類免疫缺乏病毒 Human immunodeficiency virus, HIV)、陰部皰疹(單純皰疹病毒 Herpes simplex virus, HSV)、生殖器人類乳突病毒HPV感染(病毒群)-包括性病疣(椰菜花)、病毒性肝炎(A型肝炎、B型肝炎或C型肝炎病毒)等等。以上呢將種可以透過藥物將身體內嘅病毒數量下降至不可檢測嘅水平,即是呢個情況下嘅病毒喺不能夠傳染對方。所以就算同有性病病史嘅伴侶進行性行為,都唔代表被傳染到性病 :wink:。如果你同對方進行性行為嘅時候,有使用阻隔性嘅安全性措施,例如男用或女用安全套,都會降低被傳染性病嘅風險。 :smiling_face_with_three_hearts:

性病一般而言,都會有一定嘅症狀潛伏期,但喺依照你嘅情況,10年前發生性行為,3年前再驗身,都未有確診到任何性病,即喺代表果次性行為並冇被傳染到性病 :laughing:,可以放心。另外,珍珠疹並不是一種傳染病,不會透過性接觸而傳播。希望可以幫到你。 :smiling_face_with_three_hearts:

但我之前嘅body check應該係普通嘅驗血驗尿,如果touchwood我有事,係咪都會check到有事㗎?嚟近我會做多次body check,係for疫苗前check 下,普通嘅抽血驗血係咪會發現到有問題?

另外,想問下性病係咪會觀察到嘅?容易喺性器官同皮膚上發現?因為咁多年都無痛無痕,但最近又有心理上嘅擔憂:worried:

因為唔清楚你之前嘅身體檢查包含咩項目,所以唔可以好確實咁知道,不過通常普通身體檢查都唔會特別去進行性病檢查嘅。如果你想做性病測試,你可以去社會衛生科,符合資格人士係免費嘅;或者你都可以去其他醫療機構進行性病測試。記得要問清楚測試包括邊啲性病項目呀。 :woman_health_worker:t2: :man_health_worker:t2:

而性病感染病徵,其實有時並唔明顯,甚至有啲人感染咗性病之後完全冇病徵。再加上有啲性病潛伏期長(例如HIV,潛伏期可以長達10-15年)。所以如果發生過冇用安全措施嘅性行為,並唔可以單憑有冇病徵去判斷自己有冇感染。

同埋我哋都解釋咗,珍珠疹並唔係性病,亦唔會經性行為傳播。但係有啲性病感染,即使係同單一性伴侶發生性行為,亦有可能會感染(例如HPV病毒)。所以建議有性行為嘅人定期進行檢查同測試,了解自己嘅身體狀況。 :blush: