我今日有sex過，一開始有用套既，但個套好似唔岩，最後轉左女上之後再起翻身已經發現個套唔見左，搵哂床同地下都冇，我而家勁驚係留左係陰道入面，我想問如果真係感既有冇人知會唔會有啲咩感覺架？會唔會feel到真係係入面既感覺之類？因為我見婦科禮拜日唔會開而家我都唔知點做好
hello 你好啊 
，我地喺其他嘅平台都收到好類似嘅查詢，下次如果再一次有查詢可以選擇喺我地其中一個平台問就ok，同事都會回覆你嘅～ 
情理上若果避孕套喺確實嘅遺留咗喺陰道入面，喺唔會感覺唔到嘅。避孕套都會有一定嘅體積同厚度。所以應該唔會出現選留咗喺陰道而感覺唔到。如果你真喺好擔心嘅話，都可以將手指伸入陰道嘗試，因為陰道都唔會太長，手指伸入去應該感覺到。 
其實出現咗呢個情況，有機會喺尺寸唔岩。安全套嘅尺寸需要透過量度陰莖嘅大小再決定要用咩尺寸嘅安全套。而安全套一般會以寬度 (Nominal Width)或者直徑 (Diameter)去量度。而每個牌子同國家嘅量度單位都會唔一樣。
【闊度／寛度 Norminal Width】量度陰莖最粗嘅位置（通常根部）嘅圓周，再除以2（可以想像將安全套㩒偏橫向嘅長度）。歐美同香港牌子比較常用。
例子：軟尺上量度嘅圓周係10cm，首先將數字乘以10，10 X 10 ＝100 (mm)。100 除以二，100／2 ＝ 50mm，就可以得出安全套嘅闊度。
【直徑 Diameter】量度陰最粗嘅位置（通常根部）嘅圓周，再除以3.14。
例子：軟尺上量度嘅圓周係10cm，首先將數字乘以10，10 X 10 ＝100 (mm)。100除以3.14，100/3.14 = 31.8，就可以得出安全套嘅直俓。日本牌子比較常用。
如果你想參考更多細節，都可以睇下機構之前IG上面嘅文章。
安全套嘅量度方法： https://www.instagram.com/p/CNmt0RpDzpy/
安全套破損或失效嘅原因：https://www.instagram.com/p/CM4ereiDmIl/
另外，因為今次性行為當中安全套未必能夠發揮效用，有機會令當中嘅精液意外流出，所以或者你都會擔心意外懷孕嘅風險，可以嘗試緊急避孕嚟降低懷孕嘅風險 。現時性行為發生嘅72小時，或120小時內可以服用事後丸。事後丸嘅原理喺透過高劑量的人造荷爾蒙抑制排卵或干擾受精／著床過程，令女性嘅分泌物增加、又或者令子宮內膜變厚，從而令精子唔容易著床。
留意事後丸喺香港屬於處方藥物，可以喺家計會、母嬰健康院、婦女健康中心、婦科診所、私家診所當中取得。建議如果你想領取，可以等到星期一打電話去家計會進行預約，又或者去私家診所求診。最後，都想提提你服用事後丸其中一個副作用喺推遲下一次經期，所以就算下一次經期唔準時、今次週期比以往長都喺正常。希望可以幫到你～