著住褲喺外面摩擦 會唔會大肚 使唔使食藥

我同女朋友著住褲喺外面摩擦, 然後射左, 之後都一直趴喺佢身上, 幾分鐘之後起身發現d精液滲透左落去條底褲到 (沾濕嘅面積大概係一蚊銀嘅大細, 位置大概喺毛毛度) 之後噴咗少少75%消毒酒精清潔, 再用大約40度嘅暖水沖洗, 會唔會有事好驚

好擔心啲精子會唔會喺沖洗嘅過程中沖咗入陰道

精子離開咗身體暴露喺空氣中其實好快會死亡,因為精子需要媒介提供養份先生存同埋移動到,而呢啲媒介就係精液同尿道球腺液(陰莖喺受到刺激嘅時候會分泌嘅透明液體,當中有機會含有少量精子),喺空氣中/接觸咗衣物之後呢啲液體會好快乾,精子就唔會生存到,同埋因為呢啲液體被衣物吸咗,精子唔能夠移動,更加唔會由陰道口遊向子宮。而就算你見到女朋友底褲係濕嘅,都唔代表精子可以由佢嘅底褲一直移動到陰道口嘅位置。而沖洗嘅過程亦唔會令精子生存到或者沖入陰道。 :x:

至於你講噴酒精呢樣嘢,都想同你講返,陰部嘅皮膚好幼嫩,唔適合用酒精呢啲咁刺激嘅嘢去沖洗,記得下次唔好啦!而水溫都係,唔建議用太高溫嘅水去沖洗陰部,以免灼傷幼嫩嘅皮膚呀!同埋記得無論咩情況(日常清潔同埋呢啲情況都好)都唔好灌洗陰道,以免破壞陰道嘅酸鹼平衡影響陰道健康。 :no_entry_sign:

或者你哋之後都可以考慮即使發生體外摩擦,都可以使用安全套,一嚟可以避免精液接觸到底褲/陰道口附近,二嚟都可以便於時候清潔清理。 :blush:
如果你哋唔考慮使用安全套,體內摩擦射精嘅時候都唔好射喺近陰部嘅地方,例如陰毛、下腹、大髀內側呢啲位置,同埋射精完盡快清潔,咁就可以更加安心啦 :wink:

所以今次嘅機率係唔係近乎零?唔需要食事後丸?

同埋我想問下酒精同熱水係唔係可以有效殺死精子

所以今次嘅機率係唔係近乎零?唔需要食事後丸?

懷孕係因為卵子同精子相遇、受精、著床而形成,而你哋上次嘅性接觸當中,性器官之間冇直接接觸過;我哋亦解釋過,過程中精液亦冇接觸到陰道/陰道口,所以精子同卵子係唔會接觸到,變相亦唔能夠導致懷孕嘅。 :x:

你哋性接觸嘅懷孕風險係極低嘅,所以係唔需要服用緊急避孕藥嘅。但如果你同女朋友商量完,覺得真係一定要食事後藥先會安心嘅,都可以喺性行為72小時/120小時內睇醫生,由醫生處方粒藥,可以去家計會診所/母嬰健康院/部分私家診所。不過係咪要食藥嘅最終決定都係要交俾女朋友去決定。

如果你真係好擔心,或者覺得我哋嘅解釋都唔能夠解決你嘅憂慮,你都可以同女朋友商議要唔要進行驗孕。喺性行為嘅7日後驗孕,會得到初步結果,而11日後進行驗孕,就會得到較為準確嘅結果。希望你親眼見到驗孕嘅陰性結果會解除你嘅疑慮。

而「酒精同熱水係唔係可以有效殺死精子」呢樣嘢,其實我哋都已經解釋過,精子離開體外之後暴露喺空氣中/喺衣物到本身好快就會死亡,而精子同埋高溫係會令精子死亡嘅,但我哋亦都解釋過,唔建議咁做,因為酒精同高溫嘅水都有機會傷害陰部嘅皮膚,甚至造成發炎/敏感反應,而影響身體健康。