食開半年，每次都好準時停藥後兩日嚟M.
今似包藥21粒但淨係食咗19粒，以為食晒但去到三日後（今日先記得）之前試過唔見咗兩粒所以係新嘅食咗兩粒，以為食晒就無嚟點知完內食咗19粒。。。
今日係食完19粒之後兩日，有流咗少少啡色，但無好似嚟m咁好多血，咁即係點？八日前有性行為（停藥前6日），無帶套。會唔會有機會懷孕？我而家應該點做？
hello 你好啊 
，因為依照你分享嘅情況，都屬於漏服避孕藥。都想了解你服用牌子嘅事前避孕藥？想了解你記唔記得喺詳時候漏食事前避孕？漏咗服用有藥性/冇藥性？ 
因為一旦過咗漏服時限服用事前避孕藥，有機會影響或減低事前避孕藥嘅藥效。發現漏服有藥性嘅藥丸之後，應該立即補服漏咗嘅個粒藥，然後再喺每日應該服藥嘅時間服食當日個粒藥。依照你提到漏服超過1粒，就要向配開事前避孕藥嘅診所醫生查詢。所以都想確認一下你嘅意思喺咪「近日漏服咗兩粒藥？而漏服前6日發生過性行為？」如果喺嘅話，就可以睇下私家醫生講解你嘅情況。至於流啡呢種情況發生，或者你都會擔心會唔會喺坊間提起「著床性出血」嘅情況，先解釋返其實著床性出血係講緊受精卵著床喺子宮壁嘅時候有機會造成出血，多數發生喺性行為嘅9-11日後，但依個本身並唔係一個好常見嘅情況（只有少數女性出現），而且出血時唔會好似一般月經咁持續出血，通常只會喺一日內一瞬間流完。所以睇返你嘅情況，都好建議你可以去醫生了解，得出更為詳細嘅解答。
另外，你都提到已經服用避孕藥半年，如果身體冇咩唔舒服或者副作用，咁你嘅身體應該已經適應咗藥物，產生比較穩定嘅避孕嘅效果。 
按日子去計算，如果你喺近日漏服咗兩粒避孕藥，但發生性行為嘅當日喺照常服用避孕藥嘅話，代表身體依然發揮避孕藥嘅功效，會導致意外懷孕風險都相對比較低嘅，唔使太擔心。 
最後，假設真喺好擔心，可以嘗試驗孕。**性行為7日後驗孕就可以得到初步驗孕結果，而性行為11日後進行驗孕結果就會較準確及可靠。**當中嘅原理喺透過檢驗人體裡面嘅hCG水平，如果受精卵成功著床，就會分泌呢種孕激素。而你都可以download 坊間提醒事前避孕藥嘅App，或每日較定鬧鐘提醒自己服藥，避免漏服嘅意外再一次發生～