停左事前藥一個月想食返但月經遲左

最近因為某啲原因所以停左一個月避孕藥,而家想食返嘅話可以即刻食定係等月經黎左第一日食好啲?因為停左避孕藥可能會擾亂左體內導致月經遲黎,想問下各位意見:pray:t2::pray:t2:

Hello
首先都想了解下你因為咩原因要停藥?係因為避孕藥副作用令你唔舒服?食緊其他藥物唔適合同避孕藥一齊服用?定係其他原因? :face_with_monocle:

同埋都想你知道,由於你之前食避孕藥,當中嘅人造荷爾蒙成份會抑制排卵,而家你停咗藥,身體可能都需要啲時間去建立返荷爾蒙分泌系統同埋天然嘅排卵,而身體所需嘅恢復時間,視乎身體情況因人而異,同埋你之前食咗幾耐避孕藥。所以有機會你嚟緊嘅月經會對比起有食避孕藥比較唔穩定,或者月經遲過之前平均日期嚟,呢個係正常情況,唔需要太過擔心。 :blush:

至於應該點樣重新食返藥,通常都要等月經出現先食嘅,同埋建議你詢問返醫生,亦都需要等醫生檢查下你嘅身體狀況睇下係咪適合食避孕藥同埋適合食邊一款避孕藥,可能你都未必適合食返你之前食開嗰款藥。如果你係因為身體健康問題而要停藥就更加需要睇醫生檢查清楚身體先。你可以去母嬰健康院/家計會診所/部分私家醫院去見醫生,有需要就盡快預約啦! :woman_health_worker:t2: :man_health_worker:t2: