我同男朋友26/7做過 果日係我第五日黎m 初頭無帶套插左1分鐘都無 跟住全程有帶套
原本已經黎完m 做完之後第二日開始發覺又流血
流多左7日 前後12日
上網聽人講話前列腺液會令到女仔有bb
呢個情況 有bb機會大唔大
hello你好啊 
，因為陰莖喺性興奮嘅時候，會分泌出透明嘅尿道球腺液，內含少量精子，係有機會導致懷孕。以都好建議你同伴侶下一次再發生親密行為嘅時候，可以全程都使用安全套，咁樣就更加穩陣同令雙方安心啦～ 
而就算喺經期期間發生性行為，又冇全程使用安全套嘅話仍然會有一定嘅風險。因為經期喺有機會同排卵期重疊，經期嚟嘅時候就已經有會排卵，特別喺經期本身比較短，又或者唔穩定嘅話，就更難計算排卵期，所以經期間發生性行為都有機會懷孕嘅～ 另外，喺月經期間，陰道比較容易感染細菌，所以戴安全套都可以減低感染嘅機會。
最後你同伴侶擔心今次性行為嘅風險嘅話，都可以嘗試驗孕。性行為發生後7日驗孕可以得出初步嘅姑果，11日驗孕可以得出可靠同準確嘅結果。而你地本身喺7月26日進行性行為，到今日為止都已超過咗11日，即喺依家驗孕，得出嘅結果都喺準確可靠嘅～ 驗孕棒嘅原理喺透過檢驗身體嘅绒毛膜促性腺激素(hCG)水平，嚟顯示有冇懷孕嘅。因為受精卵著床大概需要6-9日嘅時間，著床後身體會分泌出人绒毛膜促性腺激素(hCG)，而驗孕棒就係透過測試尿液中嘅hCG水平去檢測。只要跟足驗孕棒嘅指示，就可以安心相信驗孕嘅結果，希望可以幫到你～
我通常係30日一個period 有陣時長d 40幾日 咁樣大唔大機會重疊
其實「排卵期」係要等經期出現咗之後先可以推算返嘅，而且月經同排卵都好容易受其他因素影響，例如荷爾蒙水平、飲食、作息、壓力、生病同藥物等等。所以，除非每日喺醫生嘅指導之下用排卵試紙測試著，否則我哋好難準確咁知道究竟幾時係「排卵期」。就算你平時嘅月經週期都係30日左右，但係我哋都唔可以肯定嚟緊呢次月經會唔會因為身體因素而有變化而同平時相比提前咗，正如你之前都有試過間中有週期係40日，但係並唔能夠提前預知邊一個週期會提前／遲過平時。正正因為咁，無論喺月經週期嘅邊一日，即使係月經期間，只要陰莖分泌物（精液／尿道球腺液）同陰道／陰道口有接觸，就會有一定嘅懷孕風險。 
正如Claire所講，如果你擔心嘅話，都可以進行驗孕。距離你7月26嗰次性行為已經過咗11日，進行驗孕已經可以得到比較準確嘅結果。 
最後想提返你哋，下次再發生性行為嘅時候記得全程都正確使用安全套，咁就可以更加安心啦！ 