避孕藥與賀爾蒙斑

想知道長期食避孕藥係唔係會產生賀爾蒙斑?因之前睇醫生都無講有這個副作用有什麼預防措施可以做?一旦發現要立即停藥?謝謝:pray:

Hello
荷爾蒙斑(黃褐斑)嘅症狀通常會喺面到有啡色嘅斑,有時都會係頸同手臂出現,對於身體健康係冇影響嘅。其實除咗因為荷爾蒙水平變化而導致(例如係懷孕期間出現),日曬或者接觸紫外光嘅時間、壓力同埋某啲身體狀況(例如甲狀腺疾病)都會導致有黃褐斑嘅出現。而每人體質唔同,皮膚對於雌激素同黃體素呢兩種性荷爾蒙(亦都係避孕藥中嘅有效成份)嘅敏感性亦唔同,有啲人即使唔食避孕藥,每月自然嘅荷爾蒙分泌都會令佢產生斑;甚至隨著年齡增長,皮膚狀況都會出現變化。所以好難肯定長期服用避孕藥係咪一定會導致色斑出現嘅,暫時亦冇研究顯示出現色斑係避孕藥嘅副作用之一。 :blush:

至於預防措施,除咗使用足夠嘅防曬產品之外,暫時的確冇一啲其他措施嘅。

如果發現皮膚有變化,可以去睇醫生諮詢下醫生意見,睇下荷爾蒙係咪導致出現斑嘅主要原因,係需要停藥觀察,定係要試用其他嘅治療方法嘅。 :woman_health_worker:t2: :man_health_worker:t2:

1個讚

感謝回覆
另外想問下服食中藥/抗敏感藥會否影響避孕成效?
我知道服食抗生素會影響成效,是否代表服食期間需額外安全措施?
例如我17/8至21/8需服食抗生素療程
即17/8至21/8需使用安全套?
22/8之後就不用?
謝謝

另外我是經期第三天開始服用避孕藥,現在有少量岀血的副作用,是否代表已生效?服用多少天後不用額外避孕措施?謝謝!

首先想了解返,你係咪第一次服用避孕藥?服用之前有冇睇過醫生先? :face_with_monocle:

雖然避孕藥好容易自己買到,但係並唔係每人都適合服用,例如有心臟/肝臟/腎臟/免疫功能問題嘅人就未必可以服用。同埋市面上有好多唔同款嘅避孕藥,每款嘅人造荷爾蒙成份同劑量都會唔同。所以,建議首次服藥之前,諮詢下醫生嘅意見,睇下你嘅身體係咪適合、同埋適合邊款避孕藥。如果你之前冇睇過醫生就食藥嘅,都可以盡快睇返醫生檢查返身體。有需要可以去家計會診所/母嬰健康院/部分私家診所預約睇醫生。 :woman_health_worker:t2: :man_health_worker:t2:

而藥效方面,如果你服藥後冇嘔吐或者嚴重腹瀉嘅狀況,咁身體已經慢慢適應緊藥建立緊藥效嘅。如果你係第一次服用,又係月經頭5日內開始食藥,一般都會建議頭7日如果要發生性行為嘅話,都要使用安全套呢啲額外嘅安全措施,俾時間身體適應藥物,亦確保服藥後無出現明顯嘅副作用。

至於服藥後出血,其實要睇返你平時經期大概平均流血幾多日,服用避孕藥的確有造成少量出血嘅副作用,但係如果你平時經期會流血超過3日,咁出血應該係因為你嘅經期未完。

的確有部份藥物係會影響避孕藥藥效嘅,例如部分種類嘅:抗生素、抗抑鬱藥、消炎藥、助眠藥等,而貫葉連翹(st John’s wort)同埋黃豆異黃酮素(Soy Isoflavone)呢啲比較常見同易買到嘅營養補充劑亦有機會會影響避孕藥藥效。所以建議服用之前諮詢醫生,睇下係需要隔開服藥時間,定係需要使用額外安全措施。

因為唔肯定你服用嘅抗生素嘅成份,你可以問返處方俾你嘅醫生先。而如果你擔心嘅,可以喺抗生素療程期間同埋療程後7日內發生性行為嘅時候使用埋安全套。 :relaxed:

我有諮詢過醫生先開始服食
之前醫生都有提過頭三個月陰道有時會有不規則岀血
但我現在已吃藥超過十天,經期第一天後十三天,我估計應該不會是經期未完結吧?

hello你好啊 :smiling_face_with_three_hearts:出現點狀出血、經期比以嘅週期提早/廷長,經期嘅血量比以往嘅更多/更少,都喺初期服用事前避孕藥常見嘅副作用。如果你都喺啱啱至開始服用事前避孕藥不超過一個月,事前避孕藥嘅原理喺子宮內膜嘅增生會受到抑制,令子宮內膜變薄,所以月經週期變得唔穩定都喺比較正常。所以如果服用嘅時間比較長,等身體適應咗藥效,月經有機會變得規律同穩定。 一般而言,女性嘅身體都需要3個月時間、甚至更長時間適應藥效,只要冇出現到嚴重嘅副作用,例如嚴重嘅腹瀉同嘔吐(以上兩種情況影響身體有冇充分吸收副事前避孕藥嘅藥效),都代表身體慢慢適應藥效。 :innocent:

另外,你如果持續出現點狀出血一段時間,都可以揾返處方事前避孕藥嘅醫生,又或者到家計會或者私家醫生求診,進一步了解身體狀況。睇下會啱會出現其他嘅副作用。而如果你擔心的話,你可以問返處方俾你嘅醫生,等佢再一次評估你嘅身體情況,再睇下有冇需要轉藥/使用其他事前避孕方法。希望可以幫到你。 :innocent: