關於自慰嘅問題

我覺得刺激龜頭同埋冠狀溝嘅感覺好舒服
但係承受能力低
唔使幾耐就會射精
我覺得唔滿足
我應該點做

Hello
自慰的確係探索自己身體嘅好好嘅機會,因為每人嘅身體同埋性喜好都未必相同。龜頭同埋附近嘅組織因為有大量嘅神經末梢,所以相對比較敏感,亦容易被刺激到,所以唔少人覺得刺激龜頭同埋冠狀溝會帶嚟刺激同埋歡愉嘅感覺。而正正因為呢種強烈嘅刺激感,可能自慰過程中刺激呢啲部位會相對刺激其他地方更加快射精或者產生高潮嘅感覺。 :relaxed:

都想了解返你所講嘅「覺得唔滿足」係指咩?係刺激嘅感覺唔夠?唔夠舒服?定係時間方面唔夠? :face_with_monocle:

你可以嘗試下繼續探索同埋了解自己嘅身體同埋喜好,例如咩強度會舒服啲?用點樣嘅力度?用手嘅咩部位去刺激?定係試下用性玩具,例如飛機杯/震動棒?需唔需要用潤滑劑?頻率係幾多次?

如果你覺得刺激嘅感覺太強烈,一時唔係太適應,尤其當你初初嘗試唔同嘅刺激方式去刺激唔同嘅身體部位嘅時候,可能因為嗰啲身體部位之前從來都無被呢種方式觸摸過,或者身體一時未適應到呢種刺激。你可以循序漸進,慢慢搵到令你覺得最舒服最滿足嘅方法。甚至如果你覺得一次唔夠,你都可以進行多過一次嘅自慰。自慰頻率其實冇一個統一嘅標準,冇話一日幾次先叫正常,只要自慰呢樣嘢冇對你嘅日常生活同埋身邊嘅人造成影響,就係無問題嘅。 :wink:

「覺得唔滿足」係指時間方面唔夠

hello 你好啊 :smiling_face_with_three_hearts:,如果你指嘅「時間唔夠」喺想令到自己嘅持久度可以增加嘅話,想廷長身體自慰嘅時間,其實心理壓力、又或者情緒嘅波動都會影響到自慰嘅表現。因為見你都提到習慣自慰嘅時候,會刺激龜頭同埋冠狀溝,但呢兩個位置都屬於陰莖上比較敏感啲位置,所以集中刺激都會加快射精嘅時間。所以都建議可以上下咁摩擦陰莖,提升持久度。 :laughing:

另外,隨住自慰啲次數增加,相對上陰莖嘅敏感度都比以往低,所以持久度就會相應提升。如果你都喺啱啱至開始自慰嘅習慣,都可以參考ching 上面嘅建議,唔使俾太大壓力自己,喺一個自在、舒服、放鬆嘅環境下探索自己嘅身體。希望可以幫到你。 :smiling_face_with_three_hearts: