我尋日（15號）同男朋友sex過 除曬衫但冇插入
我幫佢口交之後同佢打車輪 （佢冇射精）
跟住佢再幫我口交
會唔會有啲精已經漏左出黎 可以經過我地兩個個口入到我陰道？
我8月7號黎過m 近排試過26-32日黎一次 如果15號算唔算係危險期 大唔大機會有事？
真係好驚….希望你地可以解答我問題…萬分感激
精子離開咗身體暴露喺空氣中其實好快會死亡，因為精子需要媒介提供養份先生存同埋移動到，而呢啲媒介就係精液同尿道球腺液（陰莖喺受到刺激嘅時候會分泌嘅透明液體，當中有機會含有少量精子），喺空氣中呢啲液體會好快乾，精子就唔會生存到，同埋口水中嘅化學物質加上口腔嘅環境並唔適合精子存活，喺你口交之後親吻嘅過程中精子唔會生存到，更加唔會由陰道口遊向子宮。 
而懷孕係因為卵子同精子相遇、受精、著床而形成，而你哋個次嘅性接觸當中，性器官之間冇直接接觸過；過程中精液同埋尿道球腺液亦冇接觸到陰道／陰道口，所以精子同卵子係唔會接觸到，變相亦唔能夠導致懷孕嘅。
見你有提及「危險期」呢樣嘢，都想同你解釋返，其實所謂「危險期」即係「排卵期」。而月經同埋排卵係好容易受到其他因素影響嘅，例如荷爾蒙分泌、飲食習慣、休息、壓力、藥物等等。「排卵期」其實係要等月經出現之後再推算返嘅，但唔係每個月經週期都一定會一樣，即使你平時嘅月經週期都係26－32日，如果你今個月經週期身體狀況有改變，可能排卵日期同月經週期都會受到影響㗎。正如你唔會準確咁提前預知邊次月經週期係26日，邊次會係32日，我哋都好難準確咁知道究竟邊日排卵。而正正因為排卵同月經好容易受到影響，無論喺月經週期嘅邊一日，只要陰莖分泌物（精液同埋尿道球腺液）同陰道／陰道口有接觸，咁都會有一定嘅風險嘅。但係你嘅情況中，精子冇接觸到陰道，所以風險係極低嘅。 
你哋下次可以考慮使用口交膜／口交套，或者即使唔係發生陰道插入式嘅性行為，都可以考慮使用安全套，咁就可以更加安心啦！ 
但係我地親吻嘅時間比較短 同埋幾個過程係連住做 會唔會唔夠時間殺曬所有精子？
hello你好啊 
，如同 ching 上嘅回應，精子暴露喺空氣幾分鐘就會死亡，而當精液進入口腔嘅時候，因為生存環境更加會加速精子的死亡。因此，就算嘴巴接觸到精液，精子已經不能生存。更為重要嘅地方喺，意外懷孕，需要精子同卵子結合成為受精卵，再成功喺子宮著床，而你同伴侶只有口交，並沒有陰道交，即是精子同子宮/陰道嘅卵子結合嘅機會其實好微，因此今次你同伴侶嘅口交並唔會構成懷孕風險。簡單而言，當精子同卵子有機會接觸到至會構成懷孕風險，而因為單純口交而懷孕嘅機會極微。
所以就算你提到「親吻同進行其他親密行為嘅過程比較短，夠唔夠時間殺精」嘅呢個問題，簡而言之，就算口交接觸到精子，精子本身已經不能存活中；口交本身導致意外懷孕嘅可能性極低。
所以如果你地下一次再進行親密性行為，可以參考ching 嘅意見，使用口交膜／口交套/ 安任套，令自己更為安心。希望可以幫到你。
唔該曬你地啊 我放心曬啦