今年14,由細到大想變性做女仔,想閹左條野做女仔…有冇人同我一樣
1個讚
你好啊，你意思係你係男仔，但係希望做女仔？
你呢個想法存在咗幾耐？平時生活有冇覺得唔開心？
係r …想做女仔
好細個已經想做女仔…覺得條野係多餘的…想閹左佢做女仔
好唔開心
你有想成為女孩子的想法，有沒有跟家人討論過這件事？
1個讚
Hi Maggie, 雖然我唔係糖不甩義工，不過我係性別研究副修既畢業生，呢個問題算係我主要關注既問題，或者可以分享下。
好坦白講其實呢樣野唔算好罕有。我自己都有一定程道既呢個問題，不過未去到考慮性別重置（變性）既程度。有一樣野叫性別認同障礙（gender identity disorder），但係請記住有呢個問題並唔代表有GID。我會覺得現階段變性會出現好多生活上同執行上既問題同困難，另外而家既醫療技術尼講，變性其實只可以算係一個大規模既整容手術，佢無辦法改變你既基因或重新朔做性功能，而變性後亦一直要打荷爾蒙。有人變性會選擇保持原有性器管同功能，不過其實會被荷爾蒙影響而導致精/卵子不健康，要生育前都要停打荷爾蒙一段時間。
好啦，另外講一下心理啦。首先對於呢個問題，其實千祈唔好鬱埋鬱埋，要搵身邊既人傾訴下。我明白有陣好難開口，但我相信總會有人肯聽既。例如試下搵學校社工？我自己第一次同人講都係同讀心理同埋社工既朋友講，講真，有人聽你講同理解真係舒服好多。而社工本來就係聽人傾訴同解決煩惱既專家，而且佢地可以按需要轉介你去見心理醫生，可以幫你繳正，或者引渡去做性別重置手術。至於屋企人，我相信其實最好俾佢地知，但亦會係最大既難關。我屋企算比較開放，但我都未100％話哂俾佢地知，只係一路間中講尐咁樣，佢地亦做唔到我既主要傾討對象。每個人屋企既情況唔同，我都唔敢話你知可以點同佢地講（或者through社工把口會好尐掛）。
另外有關既就係點解你會想變成異性呢呢？對於呢個問題我會分五樣去睇：性行為、性格、外觀、性向、生活因素。我既話，好主要原因係性格同外觀方面，再加少少生活因素！例如我覺得女仔既外觀好靚，好想自己都係咁樣啦，所以我其實會作比較女性化既打扮，仲好注意修眉吖拔毛吖呢類貪靚野甚至之前會輕輕化個妝出街添（不過最近都冇），但係我就冇試過易服；而性格同興趣亦都偏向女仔啦（其實係五十五十既），例如我中學（男校）係史無前例地上堂織頸巾啦，仲有會好鍾意睇扮靚同化裝野由cutie野，性格又比較姿整等等。我素常表現其實都相當中性既，亦都有比較男性化既嗜好，都係識耐少少先會覺得我好女人。但係我性向上又完全冇問題架喎，所以以前有尐朋友會話我係born to be lesbian 咁囉XD。
其實對於我自己既問題，我會覺得可能係服裝同形象既束縛，例如社會對女易服既接受程度遠超男易服啦（甚至唔會用易服去形話女仔添），女仔著到好man咁出尼大家都好受落（有尐女仔成個樣連把聲點睇都似男仔添），但係男仔著裙化妝就算幾好睇都好多人接受唔到，例如你睇下日本既一尐偽娘（男之娘），其實佢地係打扮得好靚，甚至點睇都係似女仔。不過一話佢地係男仔，明明唔係外觀問題，好多人就即刻接受唔到（相反女仔就唔會出現呢個問題）。另外就仲有社會傳統觀念對男性既期望壓力，例如要擔起頭家（明明女仔一樣咁做得野，甚至有尐行業係擺明唔要男仔），要表現出強壯既形像等等既生活因素，另到我覺得男性其實都有受歧視啦（不過呢樣未算好令我覺得想做女仔，始終兩性各有被歧視既地方）。所以其實我對於男性既權利，都打算搞尐mini social project 去promote咁啦（當然會由解放服裝及形像既束縛落手），不過呢個後話。
另外有尐人會係性向啦，甚至係性行為上想做異性既一方啦（注：性向同性行為係兩回事）。我就講左好多我自己既野啦，你又係基於咩原因而想做女仔呢？不妨分享下啦 
4個讚
Hello @Maggie_Lee 你好啊！
哈哈有少少野要講清楚少少。
就 @Nel_StickyRiceLove @Thomas_Y_P_Cheung 所提到同屋企人商量，有少少野要留意返。
第一，係屋企人對相關事件嘅態度。如果態度唔友善，我諗你可以同其他信任嘅人傾吓，我的話。。。哈哈都可以，但唔會好專業甘幫到你。因為我專長係男同志方面，算涉獵過LGBTQI文化同相關議題，亦去過平機會果三個坐談會(dry up無乜point)，其他議題我只能蜻蜓點水甘講吓。 #lol
第二，係屋企人對你有咩期望？雖然甘講好似有少少奇怪，但其實切肉不離皮，除非你有斷六親嘅覺悟，否則都應該要考慮吓屋企人嘅期望，從而以佢地角度諗吓點落手去同佢地講，會比較容易？如果唔得，我建議都係搵其他信任嘅人傾吓好。
所提到嘅性別認同障礙(簡稱GID)的確存在。而你提過「覺得條野係多餘的…想閹左佢做女仔」意思係咩呢？
你不妨可以參考吓上面幅圖，然後睇吓你會係咩位置？
就住 @Thomas_Y_P_Cheung 所講要諗吓點解做女仔，其實有些微偏差。首先，「性行為、性格、外觀、性向、生活因素」都唔能夠構成對性別認同障礙(GID)、甚或乎性別重置(變性)嘅衡量準則。就DSM-IV而言，你可以諗吓自己有無以下中point地方？
- 你係咪長時間、而且強烈地持續覺得自己係女性，多於覺得自己係男性？
- 你覺得自己係女性嘅同時，係咪認同其實兩性平等，而無偏向因為女性有特定優勢而決定自己嘅感覺？
- 你會唔會「對於天生的性別有持續性的不適應感」，或者「無法適應自己所屬性別的性別角色」
--translation referenced to Wikipedia-zh - 你本身係咪非跨性別人士？(例如並無先天性腎上腺增生症等病史)
- 對於你自身生活，社交、工作或其他層面係咪因為自己想做女仔而受到明顯挫折或傷害？
如果全中以上五點，可以考慮同醫生傾吓你自己嘅意願。另外，DSM-V就唔講啦，詳情可以自己google自己wiki吓就知道啦。
–Ivan
3個讚
小補充
首先感謝@lifehome 既補充！
我所提既「性行為、性格、外觀、性向、生活因素」，係純粹要尼引導去諗下自己點解會想做異性既日常因素，而唔係構唔構成GID既準則XD。另外就算你覺得自己符合@lifehome 所提出既五點DSM，都仍然要交俾專業性治療師去決定你有冇GID! 因為有呢個諗法並唔代表有GID，而且有時自我判斷會帶有主觀！ 例如我，我係有少少呢個問題，但我自己好肯定未去到有GID既程度（雖然我冇睇過醫生）。
Btw 的確每人家庭狀況唔同，喺唔清楚@Maggie_Lee你既家庭狀況之下，暫時真係唔適合講要點溝通，因為隨時會弄巧反拙 T.T 。可以嘗試先同一尐熟悉而又思想較開方既平輩去傾訴下。
3個讚
另外也必需要一提，DSM 是專業用來診斷精神問題的指導手冊，可作參考之用，但是大眾不應將之作為診斷自己是否患有精神問題/健康的指標，而是向專業人士尋求協助並交由他們診斷。
2個讚