有關m嘅問題

我想問其實m點先算完,有啲唔係好識計完m日子。
開頭嘅3,4日啲m都係紅色嘅血啦,但到後尾好似慢慢就嚟完冇乜嘅時候去洗手間通常唔會見到血,但得啡色嘅排泄物。其實啡色個啲係咪m黎?定係咩?我要等埋個啲啡色嘢冇先計完m定點?同埋我今個月10號嚟m到今日都仲有啲啡色嘢其實係咪唔正常?係咪需要睇下醫生:droplet:

hello 你好 :smiling_face_with_three_hearts:,經期嘅長短其實因人而異,平均由三日到七日不定。某d女性可能會再長少少都唔定。而每次經期嘅長短都受唔同因素影響,例如情緒波動、生活/飲食習慣嘅轉變、睡眠質素、服用嘅藥物等等。因為女性喺經期嘅時候,女性身體因荷爾蒙分泌影響,而令子宮出現周期性的出血。 而經期先兆或就嚟完結嘅時候,某d女性都會經歷流啡,即喺你所形容嘅「啡色分泌物」。流啡嘅出現,喺因為月經期間子宮內膜會脫落,而月經之前幾日有少量子宮內膜脫離,所以會有啡色/有血絲嘅分泌物。經期之後嘅流啡,有機會因為經血未全部排出,所以尚未流完嘅經血會以流啡嘅方式排出。但如果你流啡嘅情況都已經持續咗一段時間,都可以去私家診所/家計會求診,由醫生判斷你現時情況需唔需要進一步嘅檢查/治療。 希望可以幫到你。 :innocent:

家計會服務預約: e-服務查詢 - 香港家庭計劃指導會

Ic 所以係流啡嘅情況都冇埋m期先算完?

都想了解一下,想關心月經期完嘅日子,原因係D咩?:grinning:

一般醫生都會詢問分泌物幾時「清曬」,即係無流血及流啡嘅情況。所以月經期都可以大概指流血及流啡嘅期間。不過除左紀錄月經期嘅日子外,都建議可以使用手機Apps,紀錄埋流血及流啡嘅日子,都有助你日後比較及掌握番月經週期嘅狀況啊 :relaxed:

因為有用開apps記低,有時自己都唔知應該邊日先叫完先想問下。