平時都會同女朋友做下la
但係一第一次搞到而家 都未試過我係佢入邊射
次次都要自己用手或者喺屋企自己打先至會射到，放入陰道入邊唔夠用手舒服。
可以硬到好耐，但係就射唔出，滿足到女朋友但係滿足唔到自己，可以點樣解決
Hello @Ivan2 
好奇由第一次性行為到依家，持續左幾耐嘅時間？如果你同女朋友嘅性生活都係剛開始，其實都需要D時間讓雙方慢慢磨合及適應啊 
。
射唔出有好多因素有機會影響到，生理方面，身體結構出現問題導致性功能出現異常（例如糖尿病、心血管疾病等），或者正服用緊藥物（例如降血壓藥、鎮靜劑等），都有機會影響射精嘅情況。不過留意到你分享自己用手嘅時候能夠射精，咁生理基本上都無問題，性功能亦無問題，無需太擔心啊 
。性行為期間先射唔出，就有機會係心理層面出現一D原因，從而影響到射精嘅情況。
而點解放入陰道入面，會唔夠用手舒服，都有機會係因為過往自慰嘅時候，已經較掌握適合自己嘅速度、力度，以及知道自己敏感嘅部位，所以相較於放入陰道，可能會覺得自慰嘅刺激比較大。可以嘗試透過同女朋友溝通，讓對方知道或者一齊探索你身體敏感嘅部位，或者慢慢搵一個雙方都覺得舒服嘅節奏，都有機會幫助到你增加生理上嘅刺激
心理方面，有時太擔心自己唔能夠射出，或者性表現唔夠好，其實無形之中都會比左自己壓力，難以專注於當下與女朋友嘅親密接觸。越焦慮壓力就會越大，亦會影響到射精嘅情況。所以放鬆心情，專注與當下與女朋友之間身體及心靈上嘅交流，都好重要 
可以嘗試透過增加前戲嘅時間、播音樂或者試下唔同嘅環境氣氛，幫助到自己放鬆心情，希望有助你更投入於性行為嘅當中，增加刺激嘅感覺啊
如果依然覺得好擔心或者困擾，都好歡迎繼續同我地糖不甩傾訴啊