已食起過一年 無漏食
我食到白色藥丸第二粒
因為病左食左一粒panadol
會吾會影響尼m日？
因為我每月都好準時最後一粒來的
雖然仲有兩日先到尼m日
但依家又開始好緊張吾尼
P.s今個周期只有一次性行為 係第21粒藥個日
而且我想問 我已經繼續發低燒幾日 個人都精神嘅 但就有燒 係咪會係着床高溫？
我好怕去睇醫生🥲因為好怕藥物交互
上個月病過我成個月都吾敢做
直到尼m個日先放鬆
必理痛(Panadol) 所含的藥物成分，並唔會影響口服避孕藥嘅藥效，亦唔會影響月經週期，所以無需太擔心。所以最近如果有病過，有需要同時服用必理痛及口服避孕藥，原則上係無問題嘅 
不過如果以安全起見，就建議唔同藥物最好相差四小時先服用，就會比較好 
所以只要有持續定時服用避孕藥，加上依家都已經服用避孕藥超過一年，基本上都可以撇除懷孕嘅可能性，無需太擔心今次週期發生嘅性行為會導致懷孕啊 
撇除左懷孕嘅原因，如果身體發低燒嘅情況持續，加上上個月都病過，建議盡快去睇醫生，了解一下身體嘅情況先，都擔心會唔會係其他病或者身體收到其他疾病嘅感染，而出現發低燒嘅情況。
擔心藥物交互的話，其實現時口服避孕藥都已經好先進，與大部分藥物都唔會有交互作用，可以放心 。即使有機會有D藥物可能會有交互作用，但一般都未至於會令避孕藥完全無效。不過安全起見，每次醫生要處方其他藥物嘅時候，都必須要比醫生指導自己係服用緊邊一隻口服避孕藥，咁就會安全D。
著床高低溫方面，一般需要透過基礎體溫計協助計算。基礎體溫計同一般溫度計唔同，因為佢係能夠精確到十分之一度，所以體溫有少少上升都可以偵測得到。而基礎體溫亦需要持續每日進行，測量嘅時間及位置都要固定先有效，從而觀察到週期曲線及著床高低溫。所以一般情況下除非有持續使用基礎體溫計紀錄嘅習慣，否則發低燒/高燒，都好難斷定係咪同懷孕有關啊。
另外我我最後都係去左睇醫生 有食消炎藥同抗生素
會打算繼續連同避孕藥一齊食
但時間會相隔2小時
而我第一日抗生素療程係上盒白色最後一粒
最後一日係新一盒第二粒
考慮今個月停止有性行為先
但都想問避孕藥藥效會吾會有改變？
例如係避孕藥再連續食多7日就會建立返？
定要重新食一到三個月先比較好？
Hello
首先想同你解釋返，並唔係所有抗生素類藥物都會影響避孕藥功效嘅，正如唔係所有藥物都會同避孕藥有交互作用而對避孕功效有影響，所以我哋之前有講到建議每次睇醫生嘅時候，都要主動同醫生講自己服用緊邊隻避孕藥，詢問醫生佢開嘅藥會唔會有影響，係咪需要使用額外嘅安全措施，定係隔開服藥時間就可以。如果你唔清楚自己服用嘅抗生素有冇影響，你可以盡快打返去問下醫生。同埋記得之後因為任何身體原因要睇醫生嘅時候，要同醫生講你嘅服藥情況。 
某啲抗生素會影響消化系統，因此有機會會影響對避孕藥當中嘅有效成份（即係人造荷爾蒙）嘅消化同吸收，所以有機會影響避孕功效，所以有時醫護人員會建議，服用呢類型嘅抗生素期間，如果發生性行為要使用安全套作為額外嘅安全措施，如果擔心嘅，喺完成療程之後嘅7日，都可以繼續配合安全套使用。而原則上，抗生素療程期間有每日準時服用避孕藥，而抗生素療程之後7日繼續服用避孕藥，冇漏食，冇嘔吐冇嚴重腹瀉出現，咁身體係會有穩定嘅避孕功效嘅，並唔需要等1－3個月。
見你一直都好擔心避孕藥嘅避孕功效，都想解釋返，避孕藥係通過當中嘅人造荷爾蒙抑制排卵，令到身體唔會再有「排卵」呢個生理現象；同時會改變子宮內膜環境同埋改變子宮頸黏液嘅粘稠度，達致避孕功效。而服用避孕藥期間嘅月經並唔係平時嗰種因為排卵同埋自然荷爾蒙水平週期性轉變而造成嘅，而係藥物控制下嘅「撤退性出血」，即係你服用24粒粉紅色藥丸當中有荷爾蒙成份，而4粒白色非活性藥丸當中無荷爾蒙成份，呢種服藥機制令你有出血現象。你已經服藥超過1年，身體應該已經建立咗穩定嘅避孕功效。所以，只要你服用其他藥物嗰陣有資訊過醫生意見，根據佢嘅建議選擇是否需要使用額外安全措施，咁理論上，懷孕機率係好低嘅。
希望你知道咗呢啲資訊會安心啲。同埋是否發生性行為決定權在你手上，如果你覺得等1－3個月之後再發生性行為會令你安心啲，你可以同伴侶溝通，講清楚你嘅意願；或者你都可以考慮發生其他形式嘅性行為先，例如口交或者手交，直至你心理上準備好之後再進行陰道陰莖插入式性行為。
我有打去問的 但個姑娘hea答我咁
第一句話無影響到下一秒打返電話比我叫我隔一個鐘先好食
感覺好求其咁
我諗我呢個月都會睇定啲先
另一半好專重我的
最緊要係知藥效無變就ok
hello 你好啊 
，姑娘或者都需要confirm 再回答你嘅問題 
，如果姑娘建議你可以相隔1小時後再服用事前避孕藥嘅話，而依照你上面分享嘅情況，都相隔2小時至再服用事前避孕藥嘅話 
，其實都唔需要太擔心抗生素會唔影響到藥效。希望可以幫到你。