自然淘汰後排卵期及懷孕機率

請問女性自然淘汰流產後,需要多久才會重新進入排卵期?

這次女朋友自然淘汰,從性交日到發現自然淘汰只有13日。

我同我女朋友係自然淘汰後一星期有做過。

我全程有戴套之餘同時拔出來射。
但因為我發現套外有白色液體,同時有小量血絲。
不過我檢查過,套完全正常無穿無爛,而且因為拔出來才射,除套既時候都仲紮好緊。

所以我想問下,今次性行為係咪安全?

定係根本發現自然淘汰後一星期,排卵期根本未從新開始?

其實係見到套外有白色液體所以驚。
會唔會係同自然淘汰後會女性分泌既“白帶“有關??

網上資訊太雜亂,希望係到得比較安心答案

感激!!!!

我看到其他文章有補充日子,提供翻日子可以有better iunderstanding

7月30 性行為
8月3 月經來遲
8月11 發現血絲
8月12 有血,去診所證實自然淘汰流產
8月18 上述性行為

未知是8月18否安全性行為?

Hello @Ren :blush: :wave:t2: 首先講番8月18日嘅性行為,如果整個過程都有戴好安全套,而事後都檢查過安全套並無破損,相信導致懷孕嘅風險係好微,可以放心 :relaxed:

而你所指嘅分泌物大概係咩顏色/質感? :blush: 如果係透明/純白色的話,就有機會係巴氏腺液 。性興奮嘅時候,女性巴氏腺(Bartholin‘s Gland)會分泌出液體,作潤滑作用,係透明色嘅。不過有機會抽插嘅過程中因為混合左安全套上嘅潤滑劑,所以就會變成呈現乳白色,有少少黏性,可能同精液有所類似。不過只要性行為後檢查過安全套係無破損,都無需太擔心啊。

自然淘汰 / 流產後,月經週期會重新開始,一般女性會於4-6星期後再出現月經,不過亦有機會需要幾個月嘅時間,先令月經週期回復到懷孕前嘅情況。排卵期都視乎番本身女朋友嘅身體情況及過往月經週期長度,一般會於新開始嘅月經週期第二週左右出現。如果流產情況係於懷孕較後期出現的話,月經週期就有機會需要較長嘅時間先調節得到。

黎緊呢段時間,都需要有定心理準備,月經嘅日子可能會比較亂,如果你同女朋友都緊張到時月經來遲可能會擔心懷孕的話,都可以嘗試溝通一下,考慮會唔會短期內唔發生性行為,又或者考慮使用安全套或者其他避孕成功率較高嘅安全措施啊。

最後,因為始終身體曾經經歷過懷孕到自然流差,身體都需要時間適應及調節番,所以都要有定心理準備未來呢1-2兩個月,都會比較難去預計所謂嘅「排卵期」。加上撇除以上原因,本身身體嘅排卵期係好難預計得到,因為會受好多唔同嘅因素影響,例如最近情緒有起伏、壓力過大、生活作息唔定時、飲食唔均衡、最近生病有服過藥(特別係抗生素)等,所以更加唔建議呢1-2個月只依靠計算「安全期 / 危險期」作避孕方式,去發生唔安全嘅性行為啊 :pleading_face:

感激萬分,:+1::+1:解釋詳盡:+1::+1: